Ижкар-2 °C
14 шуркынмон 2019 Покчиарня
16+

Сюрес вылын шудтэм учыръёс тямыс толэзь ӵоже ог 11 процентлы кулэсмизы Удмуртиын

  • 372
  • 0
Ижкар / Удмуртия
Сюрес вылын шудтэм учыръёс тямыс толэзь ӵоже ог 11 процентлы кулэсмизы Удмуртиын
Туспуктэм: Алексей Арзамасцев

2019-тӥ арын тямыс толэзь ӵоже Удмуртиысь сюресъёс вылын шудтэм учыръёслэн лыдзы, кылем арысь та вакытэн ик ӵошатыса, 10,8 процентлы кулэсмиз. Со сярысь улосвыл тӧролэн но кивалтэтлэн пресс-службазы ивортэ.

ГИБДД-лэн элькунъя управлениез ивортэмъя, тямыс толэзь ӵоже 14 сюрс 83 шутэм учыръёс пусъемын, отын 104 адями быриз но 1 сюрс 234 адями вӧсь луиз

Росси азьмуртэн Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектосъя вань улосвылъёс азе куать арскын улосвыл трассаос вылын бырисьёслэн лыдзэс, 100 сюрс улӥсез чакласа, 13-ысен 4 адямиозь синтыны, шудтэм учыр ӵем кылдылон интыосты 50 процентлы кулэстыны ужпум пуктэмын.

2017-тӥ арысен Удмуртиысь сюрес вылын шудтэм учыръёс ӵем кылдылон 40 интыосын шугадӟонэ вуттӥсь мугъёсты палэнтӥзы. Ӵектосэз быдэсъян улсын 9 интыосын светофоръёс пуктӥзы. Ижкарын пумит мынӥсь сюрес чуръёсты люкись 1 сюрс 347 метр тросъёс кыскизы. Сизьым сюрес вожъёсын пыдын ветлӥсьёсты сюрес вылэ потонлэсь возён понна кенертонъёс тупатӥзы.

Та дыре элькунысь трассаос вылын 33 стационар но 13 интыысь интые нуллоно фото- но видеокамераосын огъетъёс ужало. 2018-тӥ арын со интыосын шутэм учыръёс, валля арен ӵошатыса,12,2 процентлы кулэсмизы – со кӧня ке сю учыръёс, нош быремъёслэн лыдзы 21,1 процентлы – со кӧня ке сюрс адями

2019-тӥ арын «Кышкыттэм но ӟечлыко автомобиль сюресъёс» йӧскалык ӵектос улсын сюресъёсты тупатъяны 1 миллиард 640 миллион манет висъязы. 2018-тӥ арен ӵошатыса, со 15 процентлы тросгес. Со пӧлысь 964 миллион 600 сюрс манетэз федерал коньдэтысь вуиз, 710 миллион манетсэ элькун висъяз

 

Наши партнеры

Наверх
Вниз