100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Сарапул – Вотка сюресэз выльдӥзы Удмуртиын

  • 193
  • 0
Вотка / Удмуртия
Сарапул – Вотка сюресэз выльдӥзы Удмуртиын
Туспуктэм: vk.com (АО "Удмуртавтодор")

Сюрес лэсьтонъя «Удмуртавтодор» огазеяськонысь ӧнерчиос Сарапул – Вотка сюреслэсь люкетсэ выльдӥзы. Со сярысь ужъюртлэн «ВКонтакте» мерлыко вотэсысь огиназ ивортэмын.

Туэ 2,1 иськем сюрес вылысь (км 13+981-км 16+039) вылӥ сӥзэ тупатъязы, озьы ик 3,2 иськем (км 54+690 - км 61+590) сюё сюресэз асфальтэн лэсьтӥзы

Тужгес бадӟым ужъёс быдэстӥзы азьвыл асфальтэн шобыртымтэ сюрес вылын. Отын ву кошкон кыретъёсты мургес каризы но юнматӥзы, 1,2 метр диаметрен кык ву кошкон корт гумыос пуктӥзы, озьы ик сюресысь кожон интыосы 0,6 диаметрен кык гумыос понӥзы. Сюреслэсь инъетсэ ӵошкытатӥзы – пуксем интыосаз сюй кисьтӥзы, со вылэ 35 сантиметр мында луоё кӧльы вӧлдӥзы. Со бере гинэ векчиятэм из кисьтӥзы.

Сюрес шобретэз кык сӥ асфальтобетонлэсь лэсьтӥзы. Сюрес дуръёсты ӵошкытатӥзы но юнматӥзы

Ужъёсты 28 сюрес пусъёсты, 93 юбоосты, 326 метр кенертонъёс пуктыса но сюрес гожъёс лэсьтыса йылпумъязы.

Кылемзэ 3,8 иськем асфальтэн шобыртымтэ сюресэз вуоно арын тупатъялозы





Наверх
Вниз