Ижкар+11 °C
28 -тӥ куарусён 2020 Вордӥськон
18+

Ветлыны луонтэм гурт сюресэз тупатъязы Удмуртиысь Грак ёросын

  • 546
  • 0
Грак / Удмуртия
Ветлыны луонтэм гурт сюресэз тупатъязы Удмуртиысь Грак ёросын
Туспуктэм: vk.com (АО «Удмуртавтодор»)

Грак ёросын Улын Йыраш гуртозь 4 иськем пала сюресэз рос-прос тупатъязы. Со сярысь «Удмуртавтодор» огазеяськон «ВКонтакте» мерлыко вотэсысь бамаз ивортэ.

Улын Йыраш – сӥзьыл но тулыс асфальт сюреслэсь люкем Удмуртиысь трос пичи гуртъёс пӧлысь одӥгез. Но ӧжытэз пӧлын «Гурт сюресъёс» федерал программае шедиз. Табере гуртозь ӟеч сюрес лэсьтэмын. Асфальтэн шобыртымтэ ке но, арлэн котькыӵе вакытаз ортчыны луоз
«Удмуртавтодор» огазеяськон

Сюресэз паськытатӥзы, ӝутӥзы, векчиятэм изэн но луоё кӧльыен шобыртӥзы. Со сяна, ву кошкон 16 гумыос пуктӥзы, сюрес урдсысь кыретъёсты юнматӥзы.

Улын Йыраш гуртын мер транспортлы берытскон инты тупатӥзы, павильон пуктӥзы, тротуар лэсьтӥзы. Озьы ик 63 сюрес пусъёс, 108 пичи юбоос, 392 метр кенер пуктӥзы.

Ужъёсты контрактын пусъем дыр ӵоже быдэстӥзы. 

Тодэ вайытом, «Кышкыттэм но ӟечлыко автомобиль сюресъёс» йӧскалык ӵектосъя 2019-тӥ арын Удмуртиын оглом 134,5 иськем мында 79 сюрес люкетъёсты тупатъязы



Наверх
Вниз