Ижкар-3 °C
23 -тӥ толшор 2020 Покчиарня
16+

Красногорск – Убытьдур сюресэз тупатъян ужъёсты йылпумъязы Удмуртиын

  • 141
  • 0
Красногорск / Удмуртия
Красногорск – Убытьдур сюресэз тупатъян ужъёсты йылпумъязы Удмуртиын
Туспуктэм: vk.com (АО «Удмуртавтодор»)

Удмуртиын 8,4 иськем пала Красногорск – Убытьдур сюресэз тупатъян ужъёсты йылпумъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Выль сюрес Эгра – Красногорск трассаен эшшо куинь гуртъёсты герӟаз: Потаповоез, Бадӟым Эграез но Выльгуртэз

Сюбег но куакъёсын басьтэм, интыосын ветлыны луонтэм сюрес интые али луоё кӧльыен но векчиятэм изэн шобыртэм паськыт сюрес мынэ. Табере со кышкыттэмлыкъя вань куронъёслы тупа.

Ӧнерчиос сюресэз дас метрозь паськытатӥзы, ву кошкон 17 гумыос пуктӥзы, кыретъёс лэсьтӥзы но юнматӥзы.

Со сяна, Убытьдурын мер транспортлы берытскон инты но павильон лэсьтӥзы. Сыӵе ик дугдылонни Вужгурт вӧзын пуктӥзы.

Выльдэм сюрес кузя 114 пусъёс, 373 пичи юбоос но 452 метр мында корт кенеръёс пуктӥзы. 

Наши партнеры

Наверх
Вниз