Ижкар+23 °C
9 -тӥ пӧсьтолэзь 2020 Покчиарня
16+

488 миллион манетлэсь трос коньдон кутозы Ижкарысь сюресъёсты тупатъяны 2020-тӥ арын

  • 684
  • 0
Ижкар / Удмуртия
488 миллион манетлэсь трос коньдон кутозы Ижкарысь сюресъёсты тупатъяны 2020-тӥ арын
Туспуктэм: Григорий Фомин

2020-тӥ арын Удмуртилэн шоркарысьтыз сюресъёсты тупатъяны 488 миллион 400 сюрс манет кутозы. Ижкарысь благоустройствоя но сюрес возёсъя ёзэс «Кышкыттэм но ӟечлыко автомобиль сюресъёс» йӧскалык ӵектосъя сюресъёсты выльдыны муниципал контрактъёс юнматӥз. Со сярысь ӵектослэн улосвыл офисэзлэн пресс-службаез ивортэ.

Коньдонэз федерал но улосвыл коньдэтъёсысь висъялозы. Со чотын 23 интыосысь оглом 31 иськем 760 метр сюресъёсты выльдозы

Конкурслы йылпумъянъёсъя кык контрактъёсты сюрес лэсьтонъя «Ижевское» предприятие быдэстоз. Со Индустри но Октябрь ёросъёсысь сюресъёсты оглом 95 миллион 660 сюрс манет тыр лэсьтоз.

Первомай но Устинов ёросысь сюрес люкетъёсты «Радонеж дорожные конструкции» огазеяськон тупатоз. Со оглом 151 миллион 45 сюрс тыр кык аукционын вормиз.

Ленин ёросысь сюресъёсты 241 миллион 300 сюрс манет тыр «Удмуртавтодор» огазеяськонысь ӧнерчиос лэсьтозы. Соос вылэ тужгес бадӟым уж усёз, уго 2020-тӥ арын Ленин ёросын 11 урамъёсысь оглом 12 иськем 800 метр мында сюрес люкетъёсты тупатъяны чакламын.

Аукционлы йылпумъянъёсъя 3 миллион 540 сюрс манет шыръяны луиз. Со коньдонэз тупатъяны чаклам сюресъёс вылын ватсаса ужъёсты быдэстонэ кутыны малпало.

Пусъём, выльдоно сюресын лыдмет калыклэсь но карысь мер палаталэн ёзчиосызлэсь дэмланъёссэс лыдэ басьтыса кылдытэмын.

2020-тӥ арын Ижкарысь тупатъяно сюресъёсын лыдмет:

Индустри ёрос:

  1. Профсоюзной пролка Совхозной урам дорысен Парковой урам дорозь (тротуарез тупатъянэн);
  2. Ижкар – Оранжерейной огъет (тротуарез тупатъянэн);
  3. Сельской урам Выставочной урам дорысен карлэн гожез дорозь (тротуар лэсьтонэн).

Октябрь ёрос:

  1. Студенческой пролка (тротуарез тупатъянэн);
  2. Красногеройской урам Удмуртской урам дорысен Карл Маркс нимо урам дорозь;
  3. Раздельной пролка (тротуарез тупатъянэн);
  4. Пушкинской урам Октябрьлы 10 ар урам дорысен Холмогоров нимо урам дорозь (тротуарез тупатъянэн).

Первомай ёрос:

  1. Советской урам Свердлов нимо урам дорысен Карлутской набережной дорозь (тротуарез тупатъянэн);
  2. Халтурин нимо урам Ленин нимо урам дорысен «Знамя» санаторий дорозь (тротуарез тупатъянэн);
  3. Маркин нимо урам Железнодорожной урам дорысен автобуслэн йылпумъян дугдылонниез дорозь (тротуарез тупатъянэн);
  4. Пастухов нимо урам Свердлов нимо урам дорысен Удмуртской урам дорозь (тротуарез тупатъянэн).

Устинов ёрос:

  1. Спортивной урам (тротуарез тупатъянэн).

Ленин ёрос:

  1. Западной урам Областной урам дорысен Нагорной урам дорозь (тротуарез тупатъянэн);
  2. Парашютной урам Степной урам дорысен Гагарин нимо урам дорозь (тротуарез тупатъянэн);
  3. Оружейник Драгунов нимо урам Мужвайской урам дорысен Кузебай Герд нимо урам дорозь (тротуарез тупатъянэн);
  4. Саранской урам (тротуарез тупатъянэн);
  5. Кирзаводской урам (тротуарез тупатъянэн);
  6. Кузебай Герд нимо урам Клубной урам дорысен Олег Кошевой нимо урам дорозь (тротуарез тупатъянэн);
  7. Клубной урам (тротуарез тупатъянэн);
  8. Шабердинской тракт.

Тодэ вайытом, туэ Удмуртиез «Кышкыттэм но ӟечлыко автомобиль сюресъёс» йӧскалык ӵектосъя умой ужамез понна пусйизы. 2020-тӥ арын элькунын пӧртэм программаосъя оглом 240 иськем пала сюресъёсты тупатъяны малпало.



Наверх
Вниз