Ижкар+20 °C
8 -тӥ гудырикошкон 2020 Кӧснунал
16+

Кам но Буй шуръёс вамен выжъёс вылтӥ потон дунъёс пичи машинаослы вуоно арын уз воштӥське

  • 580
  • 0
Камбарка / Удмуртия
Кам но Буй шуръёс вамен выжъёс вылтӥ потон дунъёс пичи машинаослы вуоно арын уз воштӥське
Туспуктэм: Григорий Фомин

2020-тӥ арын Удмуртиысь Кам но Буй шуръёс вамен выжъёс вылтӥ пичи машинаосын потон тарифъёс уз воштӥське. Мукет машинаос понна дунъёс шорлыдын 3 процентлы будозы. Со сярысь ивортодэтъя «Удмуртия» агентстволэн корреспондентэзлы элькунысь транспортъя но сюрес возёсъя министр Алексей Горбачёв ивортӥз.

Пусъём, тарифъёсты арлы быдэ будэтон инвесторен – Инвестициосъя улосвыл компаниен - но улосвылэн юнматэм тупанкылъя чакламын. 25-тӥ толсуре Удмуртилэн кивалтэтэз 2020-тӥ арын тарифлэсь тужгес бадӟым луыны быгатӥсь быдӟалазэ юнматӥз.

Кам но Буй шуръёс вамен выжъёсты пуктон но отӥ дунын ветлонэз радъян сярысь тупанкылъя инвесторлэн, али тарифез но Удмуртилэн кивалтэтэныз юнматэм тужгес бадӟым луыны быгатӥсь дунэз лыдэ басьтыса, 2020-тӥ арын тарифъёсты 15 процентлы будэтыны луонлыкез вал. Озьы ке но, концессионерен но кивалтэтэн кенешонъёслы луыса тариф 1-тӥ тулыспалысен шорлыдын 3 процентлы будоз
Алексей Горбачёв, Удмуртиысь транспортъя но сюрес возёсъя министр

Озьы ик со пусйиз, валтӥсь группалы – пичи машинаослы, уробоен капчи машинаослы но мототранспортлы – дунъёс уз воштӥське шуыса.

Озьыен, пичи машинаослы кык выжъёс вамен потон 450 манет усёз. Мукет машинаос сярысь верано ке, тарифъёс таӵе луозы:

- кыкетӥ группа – шоро-куспо быдӟалаем транспорт: 1 сюрс манетысен 1 сюрс 30 манетозь;

- куинетӥ группа – вуз нуллӥсь машинаос, автобусъёс но каръёс куспетӥ ветлӥсь автобусъёс: 1 сюрс 680 манетысен 1 сюрс 750 манетозь;

- ньылетӥ группа – вуз нуллӥсь бадӟым машинаос: 2 сюрс 150 манетысен 2 сюрс 240 манетозь. 



Наверх
Вниз