100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Сизьым выль светофоръёс пуктӥзы федерал сюрес вылын Удмуртиын

  • 383
  • 0
Ижкар / Удмуртия
Сизьым выль светофоръёс пуктӥзы федерал сюрес вылын Удмуртиын
Туспуктэм: Майя Бывальцева

Удмуртия пыр ортчись М7 «Волга» федерал сюрес вылын сизьым выль светофоръёс пуктӥзы. Со сярысь элькун тӧролэн но кивалтэтлэн пресс-службазы ивортэ.

Транспортлы светофор Эгра каргуртын федерал сюрес но Красной урам вожын пуктӥзы. Табере пыдын ветлӥсьёс сюресэз кышкатэк выжыны быгатозы. Пичи Пурга ёросын кык интыын светофоръёс кылдӥзы: Абдульменево пала мынӥсь сюрес вожын 20-тӥ толшорысен ӝуа ни, мукетыз – Миндэр гуртэ кожонын ужалоз.

Ижкар вӧзысь Пероггурт дорын Азин нимо но Гагарин нимо урамъёслэн сюрес вожазы светофоръёс лэсьтӥзы. Со сяна, Азин нимо но Пойма урамъёслэн вожазы ужась светофор борды пыдын ветлӥсьёслы люкет ватсазы. Озьы ик Чекерил гурезь палась Куреггурт дорын Ижкарез котыртон сюрес вылын светофор пуктӥзы.

Якшур-Бӧдья черкогуртын автовокзал дорын пыдын ветлӥсьёслы сюрес вамен потон интые кнопкаен светофор лэсьтӥзы. Кнопкаез зӥбем бере кӧня ке секунд ортчыса, светофор вож ӝуатске но калыкез сюрес вамен потыны лэзе.

Вань светофоръёс яркыт светодиодъёслэсь лэсьтэмын, соос одӥг иськемысен адӟисько

Светофоръёсты ГИБДД-лэн элькунъя управлениеныз кенешыса тужгес кышкытлыко интыосы пуктӥзы. 

Пусъём, сюрес вылын шукрес учыръёсты палэнтонъя бадӟым ужпум Россилэн азьмуртэз Владимир Путин пуктӥз. Матысь вить ар ӵоже сюресъёс вылын бырон учыръёс ньыль поллы кулэстэмын луыны кулэ.

Ужпумез быдэстонэ азьмуртэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос но ӧръямын. Туэ Удмуртиын со улсын эшшо вить светофор пуктозы на: одӥгез Ижкарез котыртон сюрес но Якшур-Бӧдья сюрес вожын но ньылез – Ижкарын

Озьы ик 2020-тӥ арын элькун сюресъёслэсь оглом 6 иськем 900 метр кыстӥськись ньыль люкетъёссэ югдытозы. Нош сюрес вылтӥ ветлон куронъёсты чакламез эскерон понна туспуктэм но видео лэсьтӥсь укмыс огъетъёс пуктозы.

Пусъём, кылем арын быдэстэм ужрадъёслы луыса Удмуртиын сюрес вылын шукрес учыръёс 2018-тӥ арын сярысь 14,3 процентлы кулэсмизы. 

2020-тӥ арын Удмуртиын пӧртэм программаосъя 240 иськем пала сюресъёсты тупатъялозы.



Наверх
Вниз