100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Кык миллиард манетлэсь трос коньдон висъялозы Удмуртиысь сюресъёсты тупатъяны

  • 1457
  • 0
Ижкар / Удмуртия
Кык миллиард манетлэсь трос коньдон висъялозы Удмуртиысь сюресъёсты тупатъяны
Туспуктэм: Руслан Нуриахметов

«Кышкыттэм но ӟечлыко автомобиль сюресъёс» йӧскалык ӵектос улсын Удмуртиысь сюресъёсты тупатъяны 1 но ӝыны миллиардлэсь трос коньдон висъялозы. Со сяна эшшо 500 миллион манет сюресъёсъя улосвыл фондысь вуоз на. Со сярысь «Комсомольская правда - Ижевск» (12+) но «Мынам Удмуртие» (16+) радиоослэн меӵак эфиразы элькунлэн тӧроез Александр Бречалов ивортӥз.

2020-тӥ арын со ӵектослы гинэ 1 но ӝыны миллиард манет висъямын. Милям планамы 80 иськемлэсь трос улосвыл сюресъёс но 30 иськемлэсь трос Ижкарысь сюресъёс. Гурт сюресъёсты лэсьтонъя нимаз программамы вань – со 600 миллион манетлэсь трос коньдон но 25 иськем пала сюресъёс
Александр Бречалов, Удмуртилэн тӧроез

Удмуртилэн тӧроез пусйиз, Россилэн азьмуртэныз кичӧлтэм «Кышкыттэм но ӟечлыко автомобиль сюресъёс» йӧскалык ӵектос сяна, улосвыллэн сюресъёсты тупатъянъя аслаз ужанрадлыкез но вань. Элькун коньдонэз ветлонтэм гурт сюресъёсты тупатъяны но выльдыны кутозы. 2020-тӥ арлы 18 сыӵе объектъёсты пусйизы – со 100 иськем пала сюресъёс.

2018-тӥ но 2019-тӥ аръёсы Удмуртия сюресъёсты тупатъянъя куинь устоосыз улосвылъёс пӧлы пыриз

Озьы ик Александр Бречалов ватсаз, федерал трассаез тупатъяны но куд-ог интыосын сое ньыль полосаозь паськытатыны кулэлык кылдӥз шуыса. Со сяна, матысь дыре каръёс куспысь сюресъёсты паськытатыны куриськон дасямын луоз, уго Ижкар – Вотка, Ижкар – Ува сюресъёс вылтӥ ветлӥсьёслэн лыдзы йылэ но йылэ.



Наверх
Вниз