100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

30 иськем улосвыл сюресъёсты выльдозы Удмуртиын 2020-тӥ арын

  • 734
  • 0
Ижкар / Удмуртия
30 иськем улосвыл сюресъёсты выльдозы Удмуртиын 2020-тӥ арын
Туспуктэм: Руслан Нуриахметов

Таяз арын Удмуртиын улосвыл сюресъёслэсь 6 люкетъёссэс выльдозы, оглом 30 иськем пала луэ. Со понна элькун коньдэтысь 665 миллион манет висъязы. Со сярысь Удмуртиысь тӧролэн но кивалтэтлэн пресс-службазы ивортэ.

2020-тӥ арын кылем арысь кык объектъёсты йылпумъяны но ньыльзэ кутскыны чакламын: Со Орловский – Киров улосвыллэн гожез, Воткинск – Чёрная, Сарапул – Воткинск, «Ижевск – Ува) – Постол станция.

Ваньмыз сюрес люкетъёс мерлыко но экономикалы кулэлыксыя быръемын.

Нырысетӥез быдӟалаезъя, уката ик кулэлыкезъя, - Орловский – Киров улосвыллэн гожез объектэз йылпумъян. Татын берпуметӥ люкетэз кылиз - 7 иськемлэсь ӧжыт тросгес. Озьы Киров улосвылэн герӟаськон ласянь ужпум асьмелэн сэрттэмын-пертчемын луоз. Со покчи но шоро-куспо ужбергатонэз азинтонлы бадӟым луонлык. Али Глазкарысь предприятиос вузъёссэс нуыкузы 100 иськем котырсконо луо
Ярослав Семёнов, Удмуртиысь кивалтэтлэн тӧроез

Со тодэ вайытӥз, Россилэн азьмуртэз Владимир Путин Федерал Собранилы вазиськоназ улосвылъёсты герӟась сюресъёслэсь кулэлыксэс нимысьтыз пусйиз шуыса. Удмуртиын Орловский – Киров улосвыллэн гожез сюрес одӥгез соос пӧлысь. Оглом 23 иськем вылын ужъёсты быдэстозы.

Со сяна, Сарапул – Воткинск сюреслэсь кыкетӥ люкетсэ выльдозы – 3,7 иськем. Со трос аръем сюлмаськонэз палэнтыны юрттоз.

Эшшо одӥгез туж кулэ сюрес - (Ижевск - Ува) - станция Постол. Тросэз Постолын улӥсьёс «Советско-Никольский леспромхоз» предприятиын ужало, отчы сюрес туж урод. Таяз арын 3,82 иськемзэ тупатыны чаклало. 

Тодэ вайытом, 2021-тӥ арын Удмуртиын 63,3 иськем улосвыл сюресъёсты тупатъялозы.



Наверх
Вниз