Ижкар+20 °C
9 -тӥ гудырикошкон 2020 Воскресенье
16+

Гурт сюресэз тупатъяны кутскизы Кез ёросын

  • 367
  • 0
Кез / Удмуртия
Гурт сюресэз тупатъяны кутскизы Кез ёросын
Туспуктэм: vk.com (АО "Удмуртавтодор")

Удмуртиысь Кез ёросын Кулига – Жерноково – Медьма гурт сюресэз тупатъяны кутскизы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

«Гурт интывылъёсты ялан азинтон» («Устойчивое развитие сельских территорий») федерал программа улсын 9,99 иськем сюресэз быдэсак выльдозы

Та дыре ӧнерчиос сюрес урдсысь люкетӥсь будэсъёсты утялто, ву кошкон гумыосты вошто. Гумыос сюрес вылын 17 интыосын понэмын. 

Сюреслэсь вылзэ векчи изэн, луоё кӧльыен шобыртозы. Со сяна, сюресчиос герӟет но электротыл езъёсты, чагыр эстӥськон гумыосты выжтозы. Эшшо  светодиодной светильникъёсын 44 юбоос, автобус дугдылон ньыль интыос но куинь автопавильонъёс пуктозы. Калыкез пуктон интыос доры асфальтэн шобыртэм тротуаръёс, 654 метр перлаос лэсьтозы. 

Ужъёсты 188 сюрес пусъёс, сигнал сётӥсь 295 юбоос но 932 метр барьеръёс пуктыса йылпумъялозы. 

Тодэ вайытом, оштолэзь кутсконысен Удмуртиын гарантийной сюресъёсты эскерыны кутскизы



Наверх
Вниз