Ижкар+19 °C
7 -тӥ пӧсьтолэзь 2020 Пуксён
16+

Пичи Пурга – Улӥ Кечол сюрес вылын мынӥсь ужъёсты эскеризы Удмуртиын

  • 74
  • 0
Пичи Пурга / Удмуртия
Пичи Пурга – Улӥ Кечол сюрес вылын мынӥсь ужъёсты эскеризы Удмуртиын
Туспуктэм: mindortrans.su

Удмуртиын ужась ӧри Пичи Пурга – Улӥ Кечол сюреслэн Покчи Бӧдья гурт дорысен Яган черкогуртысь Иж шур вамен выж дорозь люкетаз тупатъян ужъёсты эскериз. Со сярысь «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез ивортэ.

Ужась ӧрие «Управтодорысь», ГИБДД-ысь, мер огазеяськонъёсысь ыстэм муртъёс, подрядчикъёс пыриськизы

Та дырлы ужъёс 70-лэсь трос процентлы дась ини. Валтӥсь ужъёсты лэсьтӥзы. Ньыль но ӝыны иськемлэсь трос кыстӥськись люкетын сюрес шобретэз быдэсак воштӥзы. Вужмем асфальт интые кык сӥен асфальтобетон кисьтӥзы. Сюрес дуръёсты 12 сантиметр зӧкталаем асфальтогранулятэн юнматӥзы. Со сяна, дугдылон интыосты тупатӥзы, корт павильонъёс пуктӥзы, сюрес пусъёсты воштӥзы но сигнал юбоос пуктӥзы.

Ӧри ужъёс оглом ӟечлыко лэсьтэмын шуыса пусйиз. Алонъёссэс сюрес дуръёс пумысен веразы. Соосты ӵошкатыны но ташкес карыны куризы. Озьы ик сюрес вылысь кожонъёс бордын ужаны косӥзы. Мер транспортэ пуксён интыын пандус лэсьтоно, сюрес пусъёс пуктоно но сюрес вамен потон интыез умойгес но кышкыттэмгес интые выжтоно шуыса веразы. Вань ужъёсты сюресчиослы матысь дыре – сюресэз уже кутытозь – вуттыны кулэ.

Ужъёсты Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос улсын лэсьто. Туэ со улсын элькунысьтымы 19 улосвыл но муниципал сюресъёсты тупатъяны чакламын. Туннэ нуналлы сюресчиос 13-яз ужало ини.

Тодэ вайытом, кемалась ӧвӧл йӧскалык ӵектос улсын Сьӧлта котыр сюресэз выльдӥзы



Наверх
Вниз