Ижкар+19 °C
7 -тӥ пӧсьтолэзь 2020 Пуксён
16+

Выль камераос ужаны кутскизы М-7 сюрес вылын Удмуртиын

  • 59
  • 0
Ижкар / Удмуртия
Выль камераос ужаны кутскизы М-7 сюрес вылын Удмуртиын

22-тӥ инвожое Татарстанлэн гожез дорысен Ижкарозь М-7 «Волга» сюрес вылын мынон-ветлон куронъёсты тӥямез чаклась 12 выль фото- но видеокамераос ужаны кутско. Со сярысь «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез ивортӥз.

Камераосты укмыс интыын пуктӥзы. Со пӧлысь куатяз быдэн одӥг камера ужалоз, мукетъёсаз – быдэн кык. Съемка автотранспортлэн кык пала мыноназ нуиське. Камераос юнматэм ӝоглыкез ортчемез пусъёзы.

Федерал трасса вылын камераос пуктэмын:

- Алнаш ёросын: М-7 «Волга» но Алнаш – Грак сюресъёс вожын 1 камера. Кык пала ик часкын 60 иськемлэсь ӝог мыныны уг яра;

- Можга: М-7 «Волга» но Фалалеев нимо ульча вожын – 2 камера. Нырысетӥез сюрес вожозь: Ижкар пала – часкын 70 иськем, Казань пала – часкын 90 иськем. Кыкетӥез сюрес вож бере: Ижкар пала часкын 90 иськем, Казань пала – часкын 40 иськем;

- Можга: М-7 «Волга» но И. Быстрых нимо ульча вожын – 1 камера. Ижкар пала часкын 90 иськем, Казань пала – часкын 50 иськем;

- Пичи Пурга ёрос: Уча (Ильинское) черкогуртэ кожонын – 1 камера. Кык палаз ик часкын 70 иськемлэсь ӝог мыныны уг яра;

- Пичи Пурга ёрос: Пичи Пургае кожонын (Октябрьской урам) – 1 камера. Кык пала ик часкын 90 иськемлэсь ӝог мыныны уг яра;

- Дэри ёрос: Юсь черкогуртэ кожонын – 2 камера. Нырысетӥез: Ижкар пала – часкын 50 иськем, Казань пала – часкын 90 иськем. Кыкетӥез: Ижкар пала – часкын 90 иськем, Казань пала – часкын 50 иськем;

- Дэри ёросын: Совхозной черкогуртэ кожонын – 1 камера. Ӝоглыкез сюбегатон: Ижкар пала – часкын 90 иськем, Казань пала – часын 50 иськем.

- Дэри ёросын: Пероггурт но Ижкарысь Гагарин нимо урам вожын – 1 камера. Кык пала ӝоглыкъя сюбегатон – часкын 50 иськем.

- Дэри ёросын: М-7 – Ижкар котыр сюрес но Куреггуртэ кожон – 2 камера. Нырысетӥез: Пермь пала – часкын 50 иськем, Казань пала – часкын 90 иськем. Кыкетӥез: Пермь пала – часкын 90 иськем, Казань пала – часкын 50 иськем.

Ваньмыз камераос трос шудтэм учыр луон интыосын пуктэмын. Шуккиськонъёс ӵемгес луо ӝоглыкъя куронъёсты чакламтэен сэрен. Кун автоинспекци ивортэмъя, кышкыттэмлыкез радъян ужрадъёслы луыса элькунын сюресъёс вылын шудтэм учыръёслэн лыдзы миым сярысь 20,3 процентлы кулэсмиз

Федерал коньдэт чотын Ижкарысь Татарстанэн гож дорозь М-7 сюрес вылын 20 камераос пуктӥзы ни. Со сяна, «Кышкыттэм но ӟечлыко автомобиль сюресъёс» йӧскалык ӵектосъя эшшо 15 фото- но видеокамераос юнматыны чаклало. Кыксэ со пӧлысь Ижкарын пуктӥзы ни. Кылемзэ улосвыл но муниципалкуспо сюресъёс вылын юнматозы.

Тодэ вайытом, мынон-ветлонэз кышкыттэмлыко карон понна Удмуртиын сюресъёс кузя тыл юбоос пуктыло.



Наверх
Вниз