Ижкар+19 °C
7 -тӥ пӧсьтолэзь 2020 Пуксён
16+

Пастухов нимо ульчаысь сюресэз тупатъяны кутскизы Ижкарын

  • 70
  • 0
Ижкар / Удмуртия
Пастухов нимо ульчаысь сюресэз тупатъяны кутскизы Ижкарын
Туспуктэм: «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез

Ижкарын Пастухов нимо ульчаысь сюресэз тупатъяны кутскизы. Ужъёсты Свердлов нимо ульчаысен Удмурт ульчаозь люкетаз быдэстыны кулэ – оглом 1,7 иськемлэсь трос. Со сярысь «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез ивортэ.

Сюреслэсь кык люкетсэ фрезеровать каризы ни – Удмурт ульчаысен Коммунаръёслэн ульчазы дорозь но Коммунаръёслэн ульчаысенызы Пушкинской ульчаозь. Та дыре Пушкинской ульчаысен Красноармейской ульчаозь люкетаз вуж асфальтэз вандыса утялто.

Сюресэз кык сӥен асфальтэн шобыртозы. Озьы ик куд-ог интыосын тротуаръёсты выльдозы. Со сяна, коляскаын ветлӥсьёс понна сюресэз выжон интыос тупатозы

Ватсалом, Пастухов нимо ульчаын трос мерлыко ужъюртъёс интыяськемын – Искусствоосъя П. И. Чайковский нимо 2 номеро нылпи школа, Дышетӥсьёслэн юртсы, кӧня ке нылпи садъёс, Удмуртиысь кун цирк. Озьы ик со карысь бадӟым магистральёсты герӟа - Горький нимо, Карл Маркс нимо, Пушкинской но Удмурт урамъёсты.

Водительёсты ӝоглыкъя куронъёсты но юри пуктэм сюрес пусъёсты сак чакланы куро.

Тодэ вайытом, озьы ик Ижкарын 3 номеро кар эмъюртэ нуись сюресъёсты тупатъяло.



Наверх
Вниз