Ижкар+10 °C
19 -тӥ куарусён 2020 Кӧснунал
18+

Алнаш ёросын Алнаш - Грак сюреслэсь люкетсэ тупатъянэз йылпумъязы

  • 101
  • 0
Алнаш / Удмуртия
Алнаш ёросын Алнаш - Грак сюреслэсь люкетсэ тупатъянэз йылпумъязы
Туспуктэм: mindortrans.su

Алнаш ёросын «Кышкыттэм но ӟечлыко автомобиль сюресъёс» йӧскалык ӵектосъя Алнаш – Грак сюреслэсь люкетсэ тупатъян ужъёсты йылпумъязы. 9-тӥ пӧсьтолэзе объектэз уже кутон ужкагазъёсты юнматӥзы. Со сярысь Удмуртиысь транспортъя но сюрес возёсъя министерстволэн пресс-службаез ивортэ.

Сюресчиос уж борды оштолэзь пумын басьтӥськизы. Соос 4,9 иськемысь вуж асфальтэз утялтӥзы но кык сӥен выль асфальтобетон вӧлдӥзы. Со сяна, сюрес урдэсъёсты юнматӥзы. Мер транспорт дугдылон интыосты умоятӥзы, «Верхний Утчан» дугдылонниын павильон пуктӥзы.

Тодэ вайытом, Алнаш – Грак сюреслэсь оглом 10,09 иськем мында кык люкетсэ тупатъялозы. Та дыре Грак ёросын ужъёсты азьланьто.

Ватсалом, «Кышкыттэм но ӟечлыко автомобиль сюресъёс» йӧскалык ӵектосъя туэ тупатъяны чаклам 16 улосвыл сюрес люкетъёс пӧлысь куатез выльдэмын ни. Со Глаз ёросын Эгра – Глаз но Глаз – Яр - Пудем сюрес, Дэри ёросын Ижкар – Якшур-Бӧдья, Сьӧлта котыр сюрес, Пичи Пурга ёросын Пичи Пурга – Улӥ Кечол, Алнаш ёросын Алнаш – Грак. 



Наверх
Вниз