Ижкар+10 °C
19 -тӥ куарусён 2020 Кӧснунал
18+

Шаркан ёросысь Шегьян Тыло гуртэ сюресэз тупатъяны кутскизы

  • 104
  • 0
Шаркан / Удмуртия
Шаркан ёросысь Шегьян Тыло гуртэ сюресэз тупатъяны кутскизы
Туспуктэм: Николай Кузнецов

16-тӥ пӧсьтолэзе (Якшур-Бӧдья – Шаркан) – Шегъян Тыло (Петуньки) сюрес вылын тупатъян ужъёсты кутскизы. Со 2020-тӥ арын «Кышкттэм но ӟечлыко автомобиль сюресъёс» йӧскалык ӵектосъя выльдыны чаклам берпуметӥез улосвыл сюрес, ивортэ элькунысь тӧролэн но кивалтэтлэн пресс-службазы.

Та дыре дасяськон ужъёс мыно. Ӧнерчиос сюреслэсь вуж шобретсэ куштыны, куд-ог интыосын инъетсэ юнматыны но кык сӥен выль асфальтобетон вӧлдыны кулэ. Со сяна, сюрес урдэсъёсты юнматозы, сюрес вылысь васкьон интыосты лэсьтозы.

Оглом 5,7 иськемлэсь трос сюресэз тупатъялозы

Тодэ вайытом, 2019-тӥ арын Шегъян Тылое сюреслэсь 3,2 иськемзэ выльдӥзы.

19 улосвыл но муниципалкуспо сюресъёс пӧлысь али 12 люкетъёсын ужъёс мыно, сизьым объектъёс вуттэмын ни. Со Глаз ёросын Эгра – Глазкар но Глазкар –Яр – Пудэм, Дэри ёросын Ижкар – Якшур-Бӧдья, Алнаш ёросын Алнаш – Грак, Пичи Пурга ёросын Пичи Пурга – Улӥ Кечол, Кез ёросын Кез – Пужмезь – Чепца но Сьӧлта котыр сюрес.

Со сяна, Ижкарын 23 объектъёс пӧлысь 13-яз техника ужа. Туннэ нуналлы тямысэз люкетъёс вуттэмын ни. Со Пушкинской ульчалэн Холмогоров нимо ульчаысен Октябрьлы 10 ар ульчаозь люкетэз, Раздельной но Профсоюзной пролкаос, Ижкар – Оранжерейной огъет сюрес, Халтурин нимо, Парашютной, Загородной, Драгунов оружейник нимо ульчаос. Матысь дыре Советской но Саранской ульчаосын тупатъян ужъёсты кутскозы. 



Наверх
Вниз