Ижкар+20 °C
9 -тӥ гудырикошкон 2020 Воскресенье
16+

Удмуртиысь ньыль ёрос эмъюртъёсы выль реанимобильёс вуизы

  • 66
  • 0
Ижкар / Удмуртия
Удмуртиысь ньыль ёрос эмъюртъёсы выль реанимобильёс вуизы
Туспуктэм: София Хохрякова

Каракулино, Камбарка, Сарапул но Сьӧлта ёросъёсы выль реанимобильёс вуизы, соос С классъем «Газель» машиналэн инъетаз лэсьтэмын. Со сярысь журналистъёслы Ижкарысь ӝог эмъюрттэт сётонъя станцилэн валтӥсь эмчиез Олег Прузан ивортӥз.

Колронавирус инфекци сэрен шуг луэм муртъёсты но секыт висисьёсты кыдёке – Ижкаре яке мукет центръёсы – нуон понна та автомобильёс Росси кивалтэтлэн косэмезъя вуизы
Олег Прузан, Ижкарысь ӝог эмъюрттэт сётонъя станцилэн валтӥсь эмчиез

Сарапул ёросын, кылсярысь, али ньыль машиназы, соос пӧлын выль реанимобиль.

Автомобиль – со транспорт гинэ ӧвӧл, со – ваньмыз: дыраз вуон, эм тӥрлыкен эмчиос юрттӥзы – улонэз утизы
Ирина Шихова, Сарапулысь ёрос эмъюртлэн валтӥсь эмчиез

Сьӧлтаысь ёрос эмъюртлэн валтӥсь эмчиез Алексей Иванов пусйиз, висисьёсты та машинаен Эграысь сосудистой центре но, Ижкаре элькун эмъяськонние но нуыны быгатозы.

Тодэ вайытом, Росси кивалтэтлэн косэмезъя Удмуртилы 21 автомобиль висъязыНырысетӥ партияз «Форд» маркаен машинаос вал, кыкетӥяз – «УАЗ».  



Наверх
Вниз