Ижкар+20 °C
9 -тӥ гудырикошкон 2020 Воскресенье
16+

Ижкар – Ува сюреслэсь люкетсэ тупатъязы Удмуртиын

  • 52
  • 0
Ува / Удмуртия
Ижкар – Ува сюреслэсь люкетсэ тупатъязы Удмуртиын

Ува ёросын Ижкар – Ува сюреслэсь люкетсэ тупатъянэз йылпумъязы. Ужъёсты «Кышкыттэм но ӟечлыко автомобиль сюресъёс» йӧскалык ӵектосъя быдэстӥзы. Со сярысь улосвыл тӧролэн но кивалтэтлэн пресс-службазы ивортэ.

Сюрес люкетлэн кузьдалаез 5,644 иськем.

Трасса бадӟым ёрос центрез элькунлэн шоркареныз герӟа. Сюрес зор уродмемын вал. Со дыре ик Ижкар – Ува элькунысь одӥгез тужгес ужатӥськись сюрес, отӥ трос бадӟым машинаос ветло
Ярослав Семёнов, Удмуртиысь кивалтэтлэн тӧроез

Сюресчиос тупатъян ужъёсты 1-тӥ куартолэзе кутскизы. Соос сюреслэсь изъянмем вылзэ утялтӥзы, шобретлэсь ӵошкытатӥсь но вылӥ сӥос вӧлдӥзы, урдэсъёссэ юнматӥзы. Озьы ик сюрес пусъёсты воштӥзы, сигнал юбоос пуктылӥзы, транспортэ пуксён интыосты умоятӥзы.

Ужъёсты кутӥсь ӧрилэн сюресчиослы юанъёссы ӧз кылдэ, сюресэз уже кутон сярысь ужкагазэз ваньзы кинюртӥзы. 



Наверх
Вниз