Ижкар+20 °C
9 -тӥ гудырикошкон 2020 Воскресенье
16+

Кузебай Герд но Телегин нимо ульчаосысь сюресъёсты тупатъязы Ижкарын

  • 42
  • 0
Ижкар / Удмуртия
Кузебай Герд но Телегин нимо ульчаосысь сюресъёсты тупатъязы Ижкарын
Туспуктэм: Удмуртиысь тӧролэн но кивалтэтлэн пресс-службазы

Ижкарын «Кышыттэм но ӟечлыко автомобиль сюресъёс» йӧскалык ӵектосъя Кузебай Герд но Телегин нимо ульчаосын сюресъёсты тупатъянэз йылпумъязы. Ужъёсты кутӥсь ӧри ужкагазъёсты огкылысь кинюртӥзы. Со сярысь улосвыл тӧролэн но кивалтэтлэн пресс-службазы ивортэ.

Телегин нимо ульчаын сюреслэсь вуж шобретсэ куштыны 8-тӥ инвожое кутскизы. Туннэ отын кык сӥен асфальтобетон вӧлдэмын. Кулэ интыосын бордюр изъёсты воштӥзы. Со сяна, 68 номеро сад вӧзысь машина пуктон интыез паськытатӥзы, сюрес вылысь кожон интыосты умоятӥзы но тротуаръёсты тупатъязы.

Удмуртилэн кунлыкезлы 100 ар тырмон аре кылбурчилэсь, мер ужасьлэсь, кунлыкез кылдытонлэн кутсконаз сылӥсьлэсь Кузебай Гердлэсь нимзэ нуллӥсь ульчаысь сюресэз но тротуаръёсты рос-прос выльдыны пукмкылъян кутӥзы.

Инвожоысен сюресчиос бордюръёсты воштӥзы, укмыс колодчаосты ӝутӥзы, 550 метрын кык сӥен выль асфальт вӧлдӥзы. Со сяна, 320 метр кузьда тротуар лэсьтӥзы, ГИБДД куремъя дугдылонни вӧзысь пыдын выжон интыез мукет азе выжтӥзы, алӥсь сюрес пусъёс пуктӥзы.

Со сяна, Ленин ёросын Западной ульчаысь сюресэз тупатъян ужъёсты йылпумъязы.

Таяз арын Ижкарын «Кышкыттэм но ӟечлыко автомобиль сюресъёс» йӧскалык ӵектосъя 23 объектъёс, со пӧлысь 12-ез тупатъямын ни, 10 интыын ужало. Та дыре Саранской ульчаын гинэ ужъёс кутскымтэ на, соосты матысь дыре мытозы. 



Наверх
Вниз