Ижкар+10 °C
19 -тӥ куарусён 2020 Кӧснунал
18+

Глазкар – Яр – Пудем сюреслэсь люкетсэ тупатъязы Яр ёросын

  • 64
  • 0
Яр / Удмуртия
Глазкар – Яр – Пудем сюреслэсь люкетсэ тупатъязы Яр ёросын
Туспуктэм: видеоысь скриншот (АО "Удмуртавтодор")

Удмуртиысь Яр ёросын Глазкар – Яр – Пудем сюреслэсь люкетсэ тупатъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь бамаз ивортэмын.

Сюресчиос Глазкар – Яр – Пудем сюреслэсь км 21+650 - км 50+490 люкетсэ выльдонэз йылпумъязы. Со Яр каргуртэз котыртон сюрес луэ. Асфальтобетонлэсь шобретэз кык интыын выльдӥзы: нырысетӥез - трассалэн 34-тӥ иськемаз Яре кожон дорысен Яр – Укан – Юр сюресэн вожозь, кыкетӥез - 37,708 иськемысен 38,398 иськемозь.

Тупатъян ужъёс улсын сюрес шобретлэсь алама луэм сӥоссэ утялтӥзы, сюресэз ӵошкытатӥзы но асфальтобетон суретлэсь выль шобрет вӧлдӥзы. Со сяна, сюрес дуръёсты юнматӥзы.

Выльдэм сюреслэн огъя кузьдалаез 2,98 иськем луиз

Сюресэз выльдыны коньдон «Кышкыттэм но ӟечлыко автомобиль сюресъёс» йӧскалык ӵектос улсын висъязы. Та туэ Глазкар – Яр – Пудем сюреслэн кыкетӥ тупатъям люкетэз луэ ини. Азьвылгес Верхняя Убыть гуртэ кожон палан (км 9+250 - км 10+350) но Карасёво гурт дорысь (19+667 - км 21+767) люкетъёссэ выльдӥзы вал.

Пусъём, кылем арын но та сюреслэсь оглом 6 но ӝыны иськем пала кык люкетъёссэ выльдӥзы

Озьы, «Кышкыттэм но ӟечлыко автомобиль сюресъёс» йӧскалык ӵектос улсын Глазкар – Яр – Пудем сюреслэсь оглом 12,659 иськемзэ тупатъязы

Тодэ вайытом, Удмуртиын Дэбес - Уйвай сюресэз тупатъяны кутскизы. Нош Сарапул ёросын Колбиха шур вамен выжез выльдӥзы




Наверх
Вниз