Ижкар+10 °C
19 -тӥ куарусён 2020 Кӧснунал
18+

Якшур-Бӧдья ёросын Тыло - Узя сюреслэсь ветлыны луонтэм люкетсэ тупатъязы

  • 66
  • 0
Якшур-Бӧдья / Удмуртия
Якшур-Бӧдья ёросын Тыло - Узя сюреслэсь ветлыны луонтэм люкетсэ тупатъязы
Туспуктэм: vk.com (АО «Удмуртавтодор»)

Якшур-Бӧдья ёросын «Опорный план дорожной деятельности» элькун программа улсын Тыло - Узя (Старые Зятцы – Узи) сюреслэсь ньыль иськем люкетсэ тупатӥзы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортӥзы.

Азьвыл черкогуртъёс вискысь сюреслэн тулыс но сӥзьыл ветлыны луонтэм люкетэз сэрен отын улӥсьёслы 10 иськем котырсконо луылэ вал

Ӧнерчиос сюрес урдсысь куакъёсты но вечи писпуосты утялтӥзы, канаваосты муромытӥзы, ву кошкон гумыосты сузязы но тупатъязы. Лазег интыосын сюреслэн инъетаз сюй киськазы. Вылзэс векчиятэм изэн но луоё кӧльыен шобыртӥзы.

«Удмуртавтодорысь» сюресчиос элькун программая ньыль объектъёсын ужъёсты йылпумъязы ни, 13 люкетъёсын ужъёсты азьланьто. 2020-тӥ арын 28 сюрес кузя мынон-ветлонэз умоятыны чакламын, оглом 131,5 иськем.

Тодэ вайытом, 3-тӥ гудырикошконэ Дэбес – Увай сюресэз тупатъяны кутскизы



Наверх
Вниз