Ижкар-1 °C
22 -тӥ коньывуон 2020 Покчиарня
18+

Вить иськем гурт сюресэз выльдӥзы Сюмси ёросын

  • 75
  • 0
Сюмси / Удмуртия
Вить иськем гурт сюресэз выльдӥзы Сюмси ёросын
Туспуктэм: vk.com (АО "Удмуртавтодор")

Сюмси ёросын «Опорный план дорожной деятельности» элькун программа улсын Эгра – Сьӧлта – Сюмси – Киров улосвыллэн гожез трассаез Гури (Гура) но Ӟатча (Зятцы) гуртъёсын герӟась вить иськем сюресэз выльдӥзы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортӥзы.

Сюрес Гури но Ӟатча гуртъёсты сяна, эшшо ог дасо гуртъёсты ёрос центрен герӟа

Тупатъян ужъёс улсын ӧнерчиос ву кошкон сӧзнэтэз выльдӥзы – канаваосты муромытӥзы, ву кошкон гумыосты сузязы. Озьы ик  сюрес урдсысь будосъёсты коразы, сюреслэсь инъетсэ ӵошкытатӥзы но лазег интыосаз сюй кисьтӥзы. Сюрес вылзэ векчиятэм из, луоё кӧльы вӧлдӥзы.

Пусъём, 2020-тӥ арын элькун программая 28 сюрес люкетъёсты выльдыны чаклало, оглом 131,5 иськем. «Удмуртавтодор» огазеяськонысь ӧнерчиос 17 интыосын ужало, витьсэ йылпумъязы ини, 12-аз ужъёс азьланьтӥсько.

Тодэ вайытом, кемалась ик ӧвӧл элькун программа улсын Якшур-Бӧдья ёросысь сюресэз выльдӥзы



Наверх
Вниз