Ижкар-1 °C
22 -тӥ коньывуон 2020 Покчиарня
18+

Нылга – Вавож сюресэз тупатъян ужъёсты йылпумъязы Удмуртиын

  • 90
  • 0
Ижкар / Удмуртия
Нылга – Вавож сюресэз тупатъян ужъёсты йылпумъязы Удмуртиын
Туспуктэм: mindortrans.su

Вавож ёросын «Кышкыттэм но ӟечлыко автомобиль сюресъёс» йӧскалык ӵектосъя Нылга – Вавож сюреслэсь 5 иськемлэсь трос люкетсэ тупатъязы. Со сярысь йӧскалык ӵектослэн улосвыл офисэзлэн пресс-службаез ивортӥз.

Кык ёрос центръёсты герӟась но Покчивуко (Большая Докъя) но Яголуд гуртъёс пыр ортчись сюресэз куартолэзь пумын тупатъяны кутскизы. Ӧнерчиос кык сӥен выль асфальтобетон вӧлдӥзы, кожон интыос лэсьтӥзы, сюрес дуръёсты юнматӥзы, сигнал юбоос но сюрес пусъёс пуктылӥзы. Со сяна, мер транспорт дугдылон интыосын павильонъёс пуктӥзы.

Сюрес вылысь басьтэм кернъёс (проба) лабораториын эскеронъёсты ортчизы но умой дунъет басьтӥзы. Ужъёсты чаклась ӧри объектэз уже кутон сярысь ужкагазъёсты кинюртӥз

Тодэ вайытом, йӧскалык ӵектосъя тупатъяны чаклам 10 объектъёс пӧлысь туннэ нуналлы 15-ез уже кутэмын ни, соос пӧлын Кизнер – Грак сюреслэн кыкетӥ люкетэз. Сюресчиос улосвыл но муниципалкуспо сюресъёслэн ньыль люкетъёсаз ужало на. 



Наверх
Вниз