Ижкар-1 °C
22 -тӥ коньывуон 2020 Покчиарня
18+

Дэри ёросысь Малиново гуртэ сюресэз таяз арын тупатъяны кутскозы

  • 101
  • 0
Дэри / Удмуртия
Дэри ёросысь Малиново гуртэ сюресэз таяз арын тупатъяны кутскозы
Туспуктэм: vk.com (Министерство транспорта и дорожного хозяйства УР)

Дэри ёросысь Шарбердӥ тракт дорысен Малиново гуртозь сюресэз 2020-тӥ арын тупатъяны кутскозы. Куартолэзе сое Удмуртилэн асъетаз сётӥзы, объектлэн кузьдалаез 1,496 метр. Со сярысь элькунысь транспортъя но сюрес возёсъя министерстволэн «ВКонтакте» мерлыко вотэсысь огиназ ивортӥзы.

24-тӥ гудырикошконэ министерствоысь ӧнерчиос гуртын улӥсьёсын но Дэри ёрос администрацилэн ыстэм муртъёсыныз пумиськылӥзы. Сюресэз учкыса, кулэ ужъёслэсь быдӟалазэс но быдэстон дырез пусйизы.

Сюресэз возён улсын таяз арын Малиново гуртозь гопъёс тупатъямын луозы. Вуоно арын сюресэз бадӟым кесэгъёсын тупатъяны но ву кошкон гумыез тупатъяны чакласьком. 2022-тӥ арын Малиново гуртэтӥ ортчись сюрес Росси азьмуртэн Владимир Путинэн кичӧлтэм «Кышкыттэм но ӟечлыко сюресъёс» йӧскалык ӵектосъя тупатъян планэ пыртэмын
Удмуртиысь транспортъя но сюрес возёсъя министерство

Та сюрес вылтӥ трос машинаос ветло. Озьы ик отӥ школа маршрут ортче, соин ик сюрес вылтӥ мынон-ветлонэз кышкыттэм радъян туж кулэ, пусъемын министерстволэн ивортоназ.

Тодэ вайытом, азьвылгес Малиново гуртын улӥсьёс сюресэз тупатъяны кронэн элькунлэн тӧроезлы Александр Бречаловы вазиськизы вал. 



Наверх
Вниз