Ижкар+2 °C
22 -тӥ коньывуон 2020 Покчиарня
18+

Грак ёросысь ветлыны луонтэм сюресэз лэсьтӥзы Удмуртиын

  • 159
  • 0
Грак / Удмуртия
Грак ёросысь ветлыны луонтэм сюресэз лэсьтӥзы Удмуртиын
Туспуктэм: vk.com (АО "Удмуртавтодор")

Удмуртиысь Грак ёросын Вылӥ Эгра – Мишкино – Татарстанлэн гожез сюресэз лэсьтӥзы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортӥзы.

Сюресэз «Опорный план дорожной деятельности» элькун программа улсын тупатъязы

Ӧнерчиос сюрес урдсысь будосъёсты утялтӥзы, ву кошкон сӧзнэтэз тупатъязы: кюветъёсты мургес каризы, ву кошкон гумыосты чылкытатӥзы, керамика гумыослэсь ворсам дренаж пуктӥзы.

Сюресэз ӵошкытатӥзы, улыг интыосаз музъем понӥзы. Бӧрысь сюрес вылэ щебеньлэсь, луолэсь но гравийлэсь суретлэсь 20 сантиметръем сӥ вӧлдӥзы.

Лэсьтэм сюреслэн кузьдалаез 2 иськем 500 метр луиз

Тодэ вайытом, Сюресэз туэ пӧсьтолэзе тупатъяны кутскизы вал. Кемалась ик ӧвӧл, элькун программа улсын Сюмси ёросысь сюресэз но вуттӥзы.



Наверх
Вниз