Ижкар-15 °C
28 -тӥ тулыспал 2021 Воскресенье
18+

Эгра ёросын федерал трассалэсь люкетсэ тупатъян ужъёсты йылпумъязы

  • 87
  • 0
Эгра / Удмуртия
Эгра ёросын федерал трассалэсь люкетсэ тупатъян ужъёсты йылпумъязы
Туспуктэм: vk.com (АО "Удмуртавтодор")

Эгра ёросын М-7 «Волга» федерал трассалэсь люкетсэ (км 265+000 – км 272+500) тупатъян ужъёсты йылпумъязы. Со сярысь 27-тӥ коньывуонэ «Удмуртавтодор» огазеяськон «ВКонтатке» мерлыко вотэсысь огиназ ивортӥз.

Выльдэм сюреслэн кузьадлаез 7,5 иськем - Эгра каргуртысь «Гурман» кафе дорысен Чемошур гурт пумозь

Сюресчиос тордылӥсь интыосысь сюез воштӥзы, сюреслэсь куд-ог интыоссэ эсэпъёсъя тямыс метрозь паськытатӥзы. Сюресэз кык сӥен асфальтобетонэн шобыртӥзы. Выль шобрет медаз пилиськылы шуыса, сое геосеткаен юнматӥзы.

Со сяна, сюрес дуръёсты векчиятэм изэн юнматӥзы. Дугдылон площадкаосты умоятӥзы, сюрес пусъёсты но сигнал юбоосты воштӥзы.

Тодэ вайытом, азьвылгес М-7 «Волга» федерал сюреслэсь Дэри ёросын Изгуртэ кожон дорысен Пероггурт дорозь люкетсэ (км 158+000 – КМ 162+200) рос-прос тупатъян ужъёсты йылпумъязы.



Наверх
Вниз