Ижкар-11 °C
4 -тӥ толсур 2020 Удмуртарня
18+

Удмуртия сюресъёсты выльдонъя йӧскалык ӵектосэз быдэсъянъя устоосыз улосвылъёс пӧлы пыриз

  • 66
  • 0
Москва / Россия
Удмуртия сюресъёсты выльдонъя йӧскалык ӵектосэз быдэсъянъя устоосыз улосвылъёс пӧлы пыриз
Туспуктэм: Удмуртиысь тӧролэн но кивалтэтлэн пресс-службазы

Удмуртия «Кышкыттэм но ӟечлыко автомобиль сюресъёс» йӧскалык ӵектосэз быдэсъянъя устоосыз улосвылъёс пӧлы пыриз. Со сярысь элькун тӧролэн но кивалтэтлэн пресс-службазы ивортӥз.

Кышкыттэм но ӟечлыко автомобиль сюресъёс» йӧскалык ӵектосэз быдэсъян ласянь ми устоосыз улосвылъёс пӧлын. Ужъёсты быдэстӥсьёслэн, подрядчикъёслэн но мыло-кыдо кунмуртъёслэн командазылэн валче ужамзы гинэ зэмос ужъемышъёс басьтыны юрттэ. 2021-тӥ арын уж азьланьтӥськоз
Александр Бречалов, Удмуртилэн тӧроез

Россиысь кивалтэтлэн тӧроезлэн воштӥсез Марат Хуснуллин Удмуртилы диплом сётӥз. Данъян Москваын Транспорт арня улсын ортчиз, отчы 42 кунъёсысь 700 компаниос, 250 спикеръёс пыриськизы.

Таяз арын Удмуртиын сюресъёсты тупатъянэз 31-тӥ гудырикошконэ йылпумъязы. Оглом 140 иськемлэсь трос 88 объектъёсты выльдӥзы. 1 миллиард 500 миллион манет уже кутӥзы. Йӧскалык ӵектосъя ужъёсты дыраз но ӟечлыко нуэм понна элькунлы ватсаса 340 миллион манет сётӥзы. Со коньдонэн Воткаысь, Сарапулысь, Можгаысь но Камбаркаысь 46 сюрс люкетъёсты тупатъязы.

2020-тӥ арын Россиын 7 сюрс объектъёсты эсэпъёс дорозь вуттӥзы. Матысь куинь аръёсы сюресъёсты лэсьтонэ коньдэт палэнысь 1 триллион манет кыскыны малпало.

Малпанъёсамы мар пусйымон – табере ми «Кышкыттэм но ӟечлыко автомобиль сюресъёсты» одно ик улон инты пуктонэн герӟаны ужпум пуктӥм
Марат Хуснуллин, Россиысь кивалтэтлэн тӧроезлэн воштӥсез

Солэн верамезъя, улон интыос пуктонэз азинтон улсын выль микрорайонъёсы нуись но со пушкын сюресъёс лэсьтыны коньдон висъяны кулэ. 



Наверх
Вниз