Ижкар-12 °C
28 -тӥ тулыспал 2021 Воскресенье
18+

Киров улосвыллэн гожез дорозь сюресэз выльдон ужъёсты йылпумъязы Удмуртиын

  • 89
  • 0
Яр / Удмуртия
Киров улосвыллэн гожез дорозь сюресэз выльдон ужъёсты йылпумъязы Удмуртиын
Туспуктэм: Удмуртиысь тӧролэн но кивалтэтлэн пресс-службазы

Удмуртиысь Яр ёросын Киров улосвыллэн гожез дорозь сюресэз выльдон ужъёсты йылпумъязы. 2020-тӥ арын сюресчиос Сосновка гуртысен 7,4 иськемзэ тупатъязы. Со сярысь элькун тӧролэн но кивалтэтлэн пресс-службазы ивортӥз.

Сюресэз лэсьтон ужъёс 2017-тӥ арын кутскизы, соку Люкымвож (Усть-Лекма) гуртозь 5 иськемез тупатъязы, 208-тӥ арын - Люкымвожысен Зэризь (Елово) черкогуртозь 6 иськемзэ, 2019-тӥ арын – Зэризьысен Сосновка гуртозь 4 иськемзэ. Ньыль ар ӵоже оглом 22 иськем сюресэз быдэсак выльдӥзы

Яр ёрослэн тӧроез Александр Старцев пусйиз, Киров улосвыл палан асфальт куинь ар пала вань ни, нош Удмуртия палан сюрес кӧльыен шобыртэмын вал, соин сэрен тулыс но сӥзьыл бадӟым машинаослы ортчыны быдӟым шугъяськонъёс кылдылӥзы.

Та сюресэз лэсьтонэз ми ёросамы придорожной сервисэз, заправкаосты азинтыны луонлыкен герӟаськомы. Нош со выль ужан интыос усьтон
Александр Старцев, Яр ёрослэн тӧроез

Ассэ сюресэз выльдэм сяна, ӧнерчиос мер транспорт дугдылонниос, сюрес пусъёспуктӥзы.



Наверх
Вниз