Ижкар-12 °C
28 -тӥ тулыспал 2021 Воскресенье
18+

Тылпу кысон выль техника вуиз Удмуртие

  • 88
  • 0
Ижкар / Удмуртия
Тылпу кысон выль техника вуиз Удмуртие
Туспуктэм: Россиысь МЧС-лэн Удмурт Элькунъя валтӥсь управлениезлэн пресс-службаез

Россиысь МЧС-лэн кылдэмез дырысен 30 ар тырмон азьын (27-тӥ толсуре) Удмуртиысь тылу кысӥсьёслы-спасательёслы но тылпулэсь утиськонэз чаклась ӧнерчиослы выль машинаос вуизы. Со сярысь удысэтлэн пресс-службаез ивортӥз.

Оглом 10 огмет техника вуиз: тылпу кысонъя но утет сётонъя нимысьтыз ньыль машинаос но куать пичи автомобильёс.

Выль техника вуэмлы ми туж шумпотӥськомы. Со тылпу кысонъя куинь туала автоцистернаос но газодымозащитной службалы одӥг автомобиль. Техника Ижкарысь нимысьтыз пожано-спасательной часте но Глазкарысь 17 номеро пожарно-спасательной часте мынэ. Техника – тылпуосты кыскон, аварийно-спасательной но мукет ӝог кулэ луись ужъёсты нуыны тужгес туала тӥрлыкен тырмытэмын
Пётр Фомин, Россиысь МЧС-лэн Удмурт Элькунъя валтӥсь управлениезлэн кивалтӥсез

Фомин

Солэн верамезъя, тылпулэсь утиськонэз чаклась ӧнерчиослы пичи машинаос берло 10 арскын нырысьсэ вуизы. Соос Ижкарысь, Дэри, Можга, Глаз но Сарапул ёросъёсысь ёзъёсы мынозы. Машинаосын инспекторъёс но дознавательёс чаклано объектъёсы но тылпу потэм интыосы вуылозы. 



Наверх
Вниз