Ижкар-1 °C
27 -тӥ шуркынмон 2021 Кӧснунал
18+

Сӥзьыл Удмуртиысь бизнес-миссия Болгарие но Финляндие мыноз

  • 658
  • 0
Ижкар / Удмуртия
Сӥзьыл Удмуртиысь бизнес-миссия Болгарие но Финляндие мыноз
Туспуктэм: Григорий Фомин

Удмуртиысь ужбергатӥсьёс сӥзьыл бизнес-миссиен Болгарие но Финляндие мынозы. Со сярысь 6-тӥ инвожое журналистъёслы вераз элькунысь экономикая министр Михаил Зайцев.

«Сӥзьыл милям Болгарие но Финляндие бизнес-миссия чакламын. Со асьсэлэн ужбергатӥсьёслэн куронзы, но мон малпасько соин гинэ ум дугдэ, малы ке шуоно туннэ ми ужбергатӥсьёсты выльысь юаськомы ни, малы ке шуоно Александр Владимирович (Бречалов, Удмуртилэн тӧроезлэсь ужзэ огдырлы быдэсъясь — ред.) куриз адӟытонъёсын, шуом, карта кылдытыны, кытын бизнес аслэсьтыз ӵектосъёссэ, аслэсьтыз ӧръёссэ возьматыны быгатысал», — вераз Михаил Зайцев.

Адӟытонъёсын картае Петербургысь экономикая калыккуспо форум яке Сочиысь инвестициосъя калыккуспо форум выллем бадӟым ужрадъёсты пыртозы. Озьы ик лыдметэ шедьыны быгатозы Брноысь (Чехия) машиностроениея калыккуспо адӟытон выллем удыс ужрадъёс. Соос понна огъя курон луоз — федерал яке дунне инлык.



Наверх
Вниз