Ижкар-18 °C
22 -тӥ толшор 2021 Удмуртарня
18+

«Лэсьтэмын Удмуртиын» пус ужбергатӥсьёслы тӧрлыкъёслэсь капчиятонъёс басьтыны юрттоз

  • 427
  • 0
Ижкар / Удмуртия
«Лэсьтэмын Удмуртиын» пус ужбергатӥсьёслы тӧрлыкъёслэсь капчиятонъёс басьтыны юрттоз
Туспуктэм: Алёна Селезнёва

«Лэсьтэмын Удмуртиын» («Сделано в Удмуртии») пусэз басьтон понна сертификациез ортчем ужбергатӥсьёслы элькунысь тӧрлыкъёс капчиятонъёс сётозы. Со сярысь 27-тӥ толсуре журналистъёслы вераз улосвыллэн нырысетӥ вице-премьерез Александр Свинин.

Солэн кылъёсызъя, та дыре «Лэсьтэмын Удмуртиын» брендэз пусъёнъя уж мынэ, Элькунэз азинтонъя корпораци пыр со улосвыллэн асъетаз луоз. Вуоно арысен та пусэз вузъёслы сётозы сое поттӥсьёс дунтэк сертификациез ортчемзы бере гинэ.

Та пусэз басьтӥсьёс понна капчиятонъёсъя, кун юрттэтъёсъя программа кылдытэмын луоз на
Александр Свинин

Со валэктӥз, сыӵе вузъёслы вузкаронниосын ӝажыос но вузаськон зонаосын интыос висъялозы, одӥгез соос пӧлысь Ижкарысь чугун сюрес вокзалын усьтӥськиз ни, нош кыкетӥзэ аэропортын усьтыны малпало. «Со сяна, асьмелэн микрофинансовой фондмы «Лэсьтэмын Удмуртиын» пусэз басьтэмъёслы пичи процентъя кредитъёс но вакчи дырлы ӧжытэн коньдон сётъялоз», — пусйиз элькунлэн нырысетӥ вице-премьерез.



Наверх
Вниз