Ижкар+1 °C
30 -тӥ шуркынмон 2021 Пуксён
18+

Промышленность но туризм удысын валче ужан сярысь вераськизы Удмуртия но Белоруссия

  • 4224
  • 0
Минск / Белоруссия
Промышленность но туризм удысын валче ужан сярысь вераськизы Удмуртия но Белоруссия
Туспуктэм: Удмуртиысь тӧролэн но кивалтэтлэн пресс-службазы

Минскын «Удмуртилэн Беларусь Элькунын нуналъёсыз» форум улсын Удмуртия 15-лэсь трос тупанкылъёс кинюртӥз. Со сярысь улосвыл тӧролэн но кивалтэтлэн пресс-службазы ивортэ. 

Форумын кык элькунъёслэн валче ужаны луонлыкъёссэс эскеризы. Котырес ӝӧк сьӧрын кенешон бере Минскысь трактор завод но Удмуртиысь экономикая министерство тупанкыл гожтӥзы. Озьы ик экономикая министр Михаил Тумин Белоруссиысь Туризмъя элькун огазеяськонэн туризмез азинтон сярысь тупанкылэз кинюртӥз. 

Кызьы вераз Удмуртиысь кивалтэтлэн тӧроезлэн нырысетӥ воштӥсез Александр Свнин, промышленность элькунлэн экономикаезлэн инъетэз луэ. 47 процентэз элькунын поттэм вузъёслэн но юрттӥськетъёслэн дунзы со вылэ усе. Валтӥсь инты оборонно-промышленной огъетысь предприятиос басьто.

Туннэ элькунын атомной электростанциослы тӥрлыкъёс, инсьӧрлы телекоммуникационной сӧзнэтъёс, герӟет тӥрлыкъёс, радиоэлектроника, эм техника, мувӧй но чагыр эстӥськон кыскон удыслы тӥрлык, кортлэсь но пластмассалэсь арбериос потто. Шӧдскымон инты пулэсь вузъёс лэсьтон удыс басьтэ. Али Удмуртиын 4 сюрс пала промышленной предприятиос
Александр Свинин, Удмуртиысь кивалтэтлэн тӧроезлэн нырысетӥ воштӥсез

Удмуртиысь кӧня ке предприятиос асьсэ вузъёсыныз тодматӥзы. Кылсярысь, «Буммаш» промышленностьлэн пӧртэм ӧръёсызлы герӟетъёс, агрегатъёс, кортлэсь конструкциос но кулэяськисьлэн чертёжъёсызъя тӥрлык поттыны быгатэ.

«Аксион» концерн Белоруссие эм тӥрлык, машина ёзъёс, улон-вылонын кутӥськись вузъёс келя ини, валче ужанэз эшшо паськытатыны малпа.



Наверх
Вниз