100 лет государственности Удмуртии
Ижкар+14 °C
31 -тӥ куартолэзь 2020 Воскресенье
16+

Шарканысь трикотаж фабрика ужпӧрезлэсь быдӟалазэ уг кулэсты

  • 477
  • 0
Шаркан / Удмуртия
Шарканысь трикотаж фабрика ужпӧрезлэсь быдӟалазэ уг кулэсты
Фото: Григорий Фомин

Экономикаын шугъяськонъёс шоры учкытэк, «Шаркан-трикотаж» акционер огазеяськон ваньбур поттонзэ уг кулэсты, вуриськон но керттӥськон тӥрлыксэ выльдэ, вузкаронын выль амалъёсты азинтэ. 9-тӥ гудырикошконэ предприятие вуылӥз Удмуртилэн тӧроез Александр Соловьёв.

Фото: Григорий Фомин

«Милям трос выль тӥрлыкмы, сое ми басьтӥськомы вузъёсты ӝоггес лэсьтон, ужез капчиятон, дӥськутлэсь вылтуссэ умоятон понна. Кылсярысь, басма вылэ киын вурыслы укшась чуръёс, «мережка» чилеп, лампасъёс лэсьтыны нимысьтыз машинаос басьтӥмы. Озьы ик выльдэмын пелесъёс лэсьтон, бирдыос вурон машинаосмы», — вераз журналистъёслы «Шаркан-трикотаж» огазеяськонысь валтӥсь технолог Светлана Перевозчикова.

Фото: Григорий Фомин

Солэн верамезъя, предприяти вань кужыменыз ужа, ужпӧрлэн быдӟалаез уг кулэсмы, тросэн басьяськисьёслэсь куронъёс ялан вуо. Шарканысь трикотаж фабрикалэн вузъёсызлэн инъетаз — нылкышноослы дӥсь, трикотаж но басмалэсь вузъёс. Озьы ик пиналъёслы школае ветлон дӥсь потто.

Предприятилы вузпӧрлэсь куронъёссэ ялан чаклано, модельёсты ӵем вошъяно луэ. Кылсярысь, али федерал адӟытонлы дасясько но сӥзьыллы бадӟым коллекция дасязы.

Фото: Григорий Фомин

«Шаркан-трикотаж» акционер огазеяськонлэн кивалтӥсез Надежда Зайнакова верамъя, таиз ар ваньбур поттон понна секыт. Ваньмыз сямен кутӥськись сырьё кунгож сьӧрысь лыктэ, нош вузпӧр дунъёсты будэтыны уг сёты. Озьы ке но, югдур огсыр.

Удмуртилэн тӧроез Александр Соловьёв фабрикалэн кивалтӥсьёсызлы мылкыдзы, ужасьёссы понна сюлмаськемзы понна тау криз, но предприятиын ужасьёслы элькунысь мер но экономика удысъёсысь азинсконъёс но сюлмаськонъёс сярысь вераз.



Наверх
Вниз