Ижкар+1 °C
30 -тӥ шуркынмон 2021 Пуксён
18+

Гурт ипотекая 3,6 миллиард манетлэсь трос басьтӥзы Удмуртиын улӥсьёс 2020-тӥ арын

  • 155
  • 0
Ижкар / Удмуртия
Гурт ипотекая 3,6 миллиард манетлэсь трос басьтӥзы Удмуртиын улӥсьёс 2020-тӥ арын
Туспуктэм: Руслан Нуриахметов

2020-тӥ арын «Гурт ипотека» федерал программа улсын Удмуртиысь 1 сюрс 816 семья оглом 3 миллиард 652 миллион манет тыр капчятэм кредитъёс басьтӥз. Со сярысь улосвылысь гурт возёсъя но сиён-юонъя министерстволэн пресс-службаез ивортӥз.

Гуртъёсын нимаз корка пуктыны огкыл гожтыны быгатӥсь компаниослэн лыдзы но йылӥз. Туннэ нуналлы «Гурт ипотека» программая 14 застройщикъёс аккредитовать каремын
Удмуртиысь гурт возёсъя но сиён-юонъя министерство

Пусъём, 2021-тӥ арын программае кӧня ке воштӥськонъёс пыртӥзы. Табере нырысетӥ тыронэ анай капиталэз кутыны луэ, коркаез арендае басьтэм музъем вылэ пуктыны яра. Нош дась квартираез вить этажозь коркаосын гинэ басьтыны лэзёзы. 

Тодэ вайытом, азьвылгес веразы вал, 42 процентэз пунэмаськисьёс коньдонэнызы дась юрт басьто шуыса, 18 процентэз – квартира. 



Наверх
Вниз