Ижкар+1 °C
30 -тӥ шуркынмон 2021 Пуксён
18+

Удмуртилэн тӧроез Гуртлэн арезлэн нырысетӥ толэзьёсызлы йылпумъянъёс лэсьтӥз

  • 261
  • 0
Ижкар / Удмуртия
Удмуртилэн тӧроез Гуртлэн арезлэн нырысетӥ толэзьёсызлы йылпумъянъёс лэсьтӥз
Туспуктэм: Григорий Фомин

Удмуртилэн тӧроез Александр Бречалов Кун Кенешлэн 30-тӥ сессиезлэн кыкетӥ кенешоназ элькунамы Гуртлэн арезлэн нырысетӥ толэзьёсызлы йылпумъянъёс лэсьтӥз. Со сярысь улосвыл тӧролэн но кивалтэтлэн пресс-службазы ивортӥз.

Улосвыл кивалтӥсь Гуртлэн араз федерал программаосъя объектъёс лэсьтэм сяна, элькун коньдонлы луыса лулчеберетъя куать юртъёс пуктыны, куинь дышетсконниос, спортъя кык огъетъёс пуктыны яке выльдыны тыршозы шуыса пусйиз. Озьы ик элькунысь 18 ёросъёсысь 34 сюрес люкетъёсты тупатъяны чакламын, ваньмыз соос экономикаен герӟаськем объектъёсы нуо.

Инвестициос висъяно со интыосы, кытын экономика вань, предприятиосты паськытатыны луонлыкъёс вань, выль уж интыос кылдо, соин валче вытъёс ватсаса вуо
Александр Бречалов, Удмуртилэн тӧроез

Александр Бречалов агропром огъетысь предприятиос арзэс туж ӟеч мытӥзы шуыса пусйиз. Кылсярысь, пудо вордӥсьёс, 2020-тӥ арен ӵошатыса, 12 процентлы тросгес йӧл кыскизы.

Гурт возёсъёсын выль фермаос кылдыло. 12-тӥ тулыспалэ Ува ёросысь «Красный Труженик» огазеяськонын 400 йырлы гид усьтӥзы, 3-тӥ южтолэзе, «Заря» гурт возёсын 150 йырлы гид усьтозы.

2020-тӥ арын «Комплексное развитие сельских территорий» кун программа улсын Кез, Эгра, Сьӧлта но Шаркан ёросъёсысь ӵектосъёсты улонэ пыӵатӥзы. Александр Бречалов Шаркан ёросын лулчеберетъя но шутэтсконъя центр пуктон ужъёсты йылпумъянлы саклык висъяз. 4-тӥ южтолэзе отын 2020-тӥ арын пудо вордон удыслэн ужамезлы йылпумъянъёс лэсьтозы. Со сяна, элькун тӧро Россиысь гурт возёсъя министрлы Дмитрий Патрушевлы но улосвылысь предприятиослы юрттӥськемзы понна тау кариз.

Тодэ вайытом, Удмуртиын трос йӧл сётӥсь скалъёслэн лыдзы 244 процентлы йылӥз.




Наверх
Вниз