Ижкар-4 °C
5 -тӥ толсур 2021 Воскресенье
18+

Шор ёзо ӧнер дышетсконниосысь кураторъёслы ватсаса коньдон тырыны ӵектон дасязы Удмуртиын

  • 256
  • 0
Ижкар / Удмуртия
Шор ёзо ӧнер дышетсконниосысь кураторъёслы ватсаса коньдон тырыны ӵектон дасязы Удмуртиын
Туспуктэм: Руслан Нуриахметов

Удмуртиысь Кун Кенешысь депутатъёс шор ёзо ӧнер дышетсконниосысь классэн кивалтӥсьёслы (кураторъёслы) толэзьлы быдэ ватсаса коньдон тырон сярысь юанъя Россиысь кивалтэтэлэн тӧроезлы Михаил Мишустинлы вазиськонэн пуктэт дасязы. Сое элькун парламентлэн 30-тӥ сессиезлэн кыкетӥ кенешоназ кутӥзы, ивортӥз Кун Кенешлэн пресс-службаез.

Пуктэт дасяны кичӧлтонэн Кун Кенешысь тодосъя, дышетонъя, лулчеберетъя, туризмъя но йӧскалык политикая ялан ужась ӧри потӥз. Солэн кивалтӥсез Татьяна Ишматова тодэ вайытӥз, Россилэн азьмуртэзлэн 2020-тӥ арын 1-тӥ куартолэзе вазиськонэзлы луыса, школаын ужась дышетӥсьёс классэн кивалтэмзы понна ватсаса 5 сюрс манет басьтыны кутскизы шуыса. Со сяна, ватсаса элькун тыриськонъёссы но кылизы. Нош шор ёзо ӧнер дышетсконниосын ужасьёс та юрттэттэк кылизы.

Соос школаын дышетскись арлыдъем ик быдэ вуымтэ пиналъёсын ужало. Соин ик ми элькунмылэсь вазиськон келяны малпамы, шор ёзо ӧнер дышетсконниосысь группаослэн кураторъёссы но юрттэт басьтыны мед быгатозы шуыса. Малы ке шуоно соослэн шор ёзо дышетон сӧзнэтэ лыктӥсь, ӵемысь 9-тӥ класс бере, пиналъёсын ужан ужпумъёссы пичиесьгес ӧвӧл. Кураторъёс вылэ усись ужлэн быдӟалаез школаосын классъёсын кивалтӥсьёслэн ужзы быдӟа ик
Татьяна Ишматова, Кун Кенешысь тодосъя, дышетонъя, лулчеберетъя, туризмъя но йӧскалык политикая ялан ужась ӧрилэн кивалтӥсез

Татьяна Ишматовалэн кылъёсызъя, ватсаса тыриськонэз юнматӥзы ке, Удмуртиын сое шор ёзо ӧнер дышетсконниосысь 1 сюрс пала кураторъёс басьтыны быгатозы.

Тодэ вайытом, та толэзьлы быдэ тыриськись ватсаса коньдонэз Удмуртиысь 10 сюрслэсь трос дышетӥсьёс басьто ини.



Наверх
Вниз