Ижкар+1 °C
30 -тӥ шуркынмон 2021 Пуксён
18+

Мерлыко пенсиосты будэтозы Россиын 1-тӥ оштолэзьысен

  • 2469
  • 0
Москва / Россия
Мерлыко пенсиосты будэтозы Россиын 1-тӥ оштолэзьысен
Туспуктэм: Руслан Нуриахметов

1-тӥ оштолэзьысен Россиын мерлыко пенсиосты 3,4 процентлы будэтозы. Пуктэтэз (постановление) премьер-министр Михаил Мишустин юнматӥз. Со сярысь кун кивалтэтлэн пресс-службаез ивортӥз.

Ужпумез быдэстыны Пенси фондлэн коньдэтаз 12 миллиард 800 миллион манет чаклазы. Пуктэт улэ 3 миллион 900 адями шеде

Мерлыко пенсиосты утет (страховой) пенсиез юнматон понна тырмы луисьтэм стажен муртъёс басьто. Озьы ик со тыриськонъёсты сӧсыръёслы но сюдӥсьсэс ыштэмъёслы сёто.

Ватсэтлэн быдӟалаез пенсионерлэн азьвыл кык аръёсы толэзьлы улыны тырмымон коньдонлэсь (прожиточной минимум) быдӟалазэ чакласа лыдъяло. Индексаци бере тыронлэн шоро-куспо быдӟалаез 10 сюрс 183 манет луоз. 



Наверх
Вниз