Ижкар+1 °C
13 -тӥ оштолэзь 2021 Пуксён
18+

8 миллион манет висъязы Ижкарысь Кызьпу арамаез выльдыны ӵектос лэсьтыны

  • 541
  • 0
Ижкар / Удмуртия
8 миллион манет висъязы Ижкарысь Кызьпу арамаез выльдыны ӵектос лэсьтыны
Туспуктэм: Руслан Нуриахметов

Ижысь Кызьпу арамаез выльдыны ӵектос дасян понна кар коньдэтысь 8 миллион манет висъязы. Со сярысь карлэн тӧроез Олег Бекмеметьев «ВКонтакте» мерлыко вотэсысь бамаз ивортӥз.

Выльдэм мер интылэсь эскиззэ карын улӥсьёс соглаштӥзы ни, али ӵектос лэсьтӥсь ӧнерчиос эскизъёсты лэсьтӥськисьёс понна ужан ужкагазъёсты пӧрмытозы
Олег Бекмеметьев, Ижкарлэн тӧроез

Солэн верамезъя, ӵектосэ ассэ паркез сяна, Карлутка шур вамен выжез но ярдурез пыртозы.

Чакланъёсъя, ӵектосэз ар пумозь лэсьтозы. Нош 26-тӥ оштолэзьысен 30-тӥ куартолэзёзь мер интыосъя куара сётон радъяськоз. Соя тодмо луоз, кудӥз 2022-тӥ арын «Жильё и городская среда» йӧскалык ӵектосъя коньдон басьтоз. Куара сётонэ Кызьпу арама, «Тишино» парк но эспланадалэн кыкетӥ люкетэз пыриськозы.

Ватсалом, Кызьпу арамаын валтӥсь удмурт кар праздникъёс радъясько – Гербер, Виль, Тол келян.

Тодэ вайытом, Кызьпу арамаез умоятонлэсь учкетсэ (концепзицзэ) эскерон дыръя карын улӥсьёслэсь 100 пала ӵектонъёс вуизы



Наверх
Вниз