Ижкар+1 °C
30 -тӥ шуркынмон 2021 Пуксён
18+

Дышетон ужъюртъёсты кышкытлыклэсь утён понна уксё Удмуртилэн коньдэтысьтыз висъялозы

  • 447
  • 0
Ижкар / Удмуртия
Дышетон ужъюртъёсты кышкытлыклэсь утён понна уксё Удмуртилэн коньдэтысьтыз висъялозы
Туспуктэм: Руслан Нуриахметов

Удмуртиын дышетон ужъюртъёсты кышкытлыклэсь, со пӧлын терроризмлэсь, утён понна уксё улосвыл коньдэтысь висъялозы. Со сярысь 29-тӥ инвожое элькунлэн тӧроез Александр Бречалов Кун Кенешлэн сессияз вераз.

Тӧро пусйиз, та ужпумъя дышетӥсьёслэн, анай-атайёслэн огинъёсынызы кенешонъёс ортчытӥзы, мукет улосвылъёслэсь опытсэс эскеризы.

Кутэмын огъя пумкылъян: школаосын нылпиосмес кышкытлыклэсь утён понна асьмеос ватсаса коньдон висъяны кулэ. Дышетон ужъюртъёсын ӧнерлыко охраналы коньдон элькун коньдэтысь висъяськыны кулэ
Александр Бречалов, Удмуртилэн тӧроез

Александр Бречалов Удмуртиысь дышетонъя но тодосъя министерстволы дышетсконниослэсь инженерно-технической утиськонзэс выльдонъя программа дасяны косӥз.

Та дыре элькунысьтымы тужгес бадӟым школаосты гинэ частной охрана чакла. Азьланяз соос пӧлы тросэз дышетон ужъюртъёс пырыны кулэ.

Тодэ вайытом, школаосын кышкытлыклэсь утиськон ужрадъёсты кужмоятон борды Казаньысь огаз школаын шукрес учыр бере басьтӥськизы. 



 



Наверх
Вниз