Ижкар+1 °C
30 -тӥ шуркынмон 2021 Пуксён
18+

Гуртъёсты азинтыны ватсаса 510 миллион манет басьтоз Удмуртия

  • 218
  • 0
Ижкар / Удмуртия
Гуртъёсты азинтыны ватсаса 510 миллион манет басьтоз Удмуртия
Туспуктэм: Руслан Нуриахметов

«Гурт интывылъёсты котыр ласянь азинтон» кун программая 2021-тӥ арын Удмуртия федерал коньдэтысь ватсаса 510 миллион манет басьтоз. Со сярысь элькунлэн тӧроез Александр Бречалов «ВКонтакте» мерлыко вотэсысь бамаз ивортӥз.

Коньдон мерлыко но инженер инфраструктураез азинтыны, озьы ик гуртоослэсь улон интыя югдурзэ умоятыны, со пӧлын гурт ипотекалы, мыноз.

Озьы, улон интыя югдурзэс умоятыны 40-лсэь трос семьяослы 46 миллион манет висъялозы. Котырез умоятонъя 54 ӵектосъёсты улонэ пыӵатыны 55 миллион манет сётозы.

409 миллион манет Грак, Кизнер, Ува но Можга ёросъёсысь инфраструктураез умоятыны мыноз. Укмыс мерлыко но инженер объектъёс пуктом но тупатъялом, соос пӧлын - Вуж Эгра гуртын лулчеберетъя но спортъя огъет нылпи садэн, Пуклё черкогуртын кык группаен нылпи сад, Ува ёросысь Нылга черкогуртын шутэтскон центр, Кизнер каргуртын ву гумыос, Можга ёросысь Пичи Сюга гурытн чагыр эстӥськон гумыос
Александр Бречалов, Удмуртилэн тӧроез

Со сяна, Кизнер каргуртысь школаез выльдозы, Уваысь Первомайской клубез, Жужгесысь спортзалэз, Поршур гуртысь клублэсь юртсэ быдэсак тупатъяны чакламын.

Тодэ вайытом, азьвылгес кун программая пуктэм Шаркан ёрос лулчеберет юртэз усьтӥзы



Наверх
Вниз