Ижкар+1 °C
30 -тӥ шуркынмон 2021 Пуксён
18+

Выль аэропорт пуктыны 800 миллион манет кредит басьтоз Удмуртия

  • 281
  • 0
Ижкар / Удмуртия
Выль аэропорт пуктыны 800 миллион манет кредит басьтоз Удмуртия
Туспуктэм: vk/com (Ярослав Семенов) (выль аэропортлэн макетэз )

Улосвылъёсты азинтонъя ӧри Россиысь тямыс улосвылъёслы инфраструктураез умоятыны оглом 25 миллион 800 миллион манет тыр кредитъёслы куриськонъёссэс юнматӥз. Кызьы ивортӥз кунысь экономикаез азинтонъя министерстволэн пресс-службаез, Удмуртия выль аэропорт пуктыны 814 миллион манет басьтоз.

Ижысь выль аэропортын калыккуспо секторез луоз, со элькунэ тросгес туристъёслы ветлыны луонлык сётоз.

Ватсалом, 2018-тӥ арын Удмуртия аэропортэз но самолётъёс ӝутскон-пуксён чурез выльдонэн федерал программае пыриз. Туэ толшоре Россилэн азьмуртэныз Владимир Путинэн пумиськонын элькунлэн тӧроез Александр Бречалов вераз, выль аэровокзал 2022-тӥ арын кылдыны кулэ ни шуыса, нош 2023-тӥ арын ӝутскон-пуксён чурез тупатъян ужъёсты йылпумъялозы.

Тодэ вайытом, 2020-тӥ арын Ижкарысь аэропортлэн выль тусызлэн эскизэз понна куара сётон мынӥз.



Наверх
Вниз