Ижкар+19 °C
14 -тӥ оштолэзь 2021 Вирнунал
18+

58 миллион манет висъяз Россилэн кивалтэтэз Ижкарын юртлэн люкетэз куашкамен шугадӟонэ шедемъёслы

  • 538
  • 0
Ижкар / Удмуртия
58 миллион манет висъяз Россилэн кивалтэтэз Ижкарын юртлэн люкетэз куашкамен шугадӟонэ шедемъёслы
Туспуктэм: Григорий Фомин

Ижкарысь коркалэн люкетэз куашкамен сэрен улон интытэк кылем 32 семьялы Россилэн кивалтэтэз 58 миллион манет пала висъяз. Со сярысь косэт эрикрад ивортодэтъя интернет-порталын шараямын.

2017-тӥ арын 9-тӥ шуркынмонэ Ижкарын чагыр эстӥськон пуштэмен сэрен улон интызэс ыштэм муртъёслы мерлыко юрттэт сётон понна 2018-тӥ арын Росси Федерацилэн Кивалтэтэзлэн резервъя фондысьтыз Россиысь Лэсьтӥськонъя министерство пыр Удмурт Элькунлы 57 миллион 758 сюрс 600 манет висъяно
Россиысь кивалтэтлэн 17-тӥ оштолэзе 2018-тӥ арын юнматэм косэтэз

Тодэ вайытом, чагыр эстӥськон пуштэмен сэрен Удмурт урамысь 9 этажъем юртлэн 5-тӥ подъездэз куашказ, отын 7 мурт быриз, соос пӧлын кык пиналъёс. Следствие малпамъя, юртын улӥсь 27 аресъем воргоронэн йырин пуштӥз. Со янгыше уськытонлэн ог люкетэныз соглаш луиз. Али пиосмуртэз психиатрияя стационаре выжтӥзы.

Пуштон бере юртлэсь 5-тӥ секцизэ быдэсак сэрттыны пумкылъян кутӥзы, 4-тӥ но 6-тӥ подъездъёсты юнматӥзы. Отын улӥсьёс патеръёсазы 2018-тӥ арын 3-тӥ южтолэзе гинэ берытскыны быгатӥзы. Тӧрлыкъёс верамъя, матысь дыре 5-тӥ подъездын улӥсьёслы выль улон инты басьтыны сертификатъёс сётыны кулэ.



Наверх
Вниз