Ижкар-3 °C
15 шуркынмон 2019 Удмуртарня
16+

200 миллион манетлэсь трос басьтоз Удмуртия 2019-тӥ арын покчи но шоръёзо ужбергатонэз азинтонлы

  • 386
  • 0
Ижкар / Удмуртия
200 миллион манетлэсь трос басьтоз Удмуртия 2019-тӥ арын покчи но шоръёзо ужбергатонэз азинтонлы

Покчи но шоръёзо ужбергатонэз азинтон понна 2019-тӥ арын Удмуртия 211 миллион 300 сюрс манет басьтоз. Со сярысь улосвыл тӧролэн но кивалтэтлэн пресс-службазы ивортэ.

Йӧскалык ӵектосъя 211 миллион манетлэсь трос коньдон улосвылэ гудырикошкон пумын вуоз ни. Россиысь экономикаез азинтонъя министерстволэсь уксё покчи но шоръёзо ужбергатонлы капчиятэм кредитъёс тросгес сётыны юрттоз. Ужбергатон удысъя йӧскалык ӵектос улсын 2019-тӥ ар кутсконысен куд-ог возьматэтъёсты (показательёсты) ортчыны луиз ни
Александр Бречалов, Удмуртилэн тӧроез

Сырьё луисьтэм вузъёсты сьӧрло келянын покчи но шоръёзо ужбергатонлэн люкетэз 16,3 процентозь будӥз. Чакламын вал – 10 процент.

Ватсаса коньдон поручительствоослы (6,8 миллион манет) но ужбергатӥсьёслы микрозаймъёс сётыны (118 миллион манет) мыноз. 76 миллион манет Воткаын «Индустриальный» промышленной паркез азинтыны но лэсьтӥськонэз йылпумъяны кутӥськоз. «Мынам ужбергатонэ» («Мой бизнес») центрез кылдытыны 4 миллион 900 сюрс манет кулэ, ужбергатонэз вӧлмытон программалы – 5 но ӝыны миллион манет.

Россиысь Экономикаез азинтонъя министерство кунысь 73 улосвылъёс куспын 2 миллиард 300 миллион манетэз люкоз. Йӧскалык ӵектосъя ватсаса коньдон басьтон понна куриськонъёсты азьвыл ик сётӥзы вал.

Ужбергатон удысэ ватсаса кыскем коньдонлэн быдӟалаезъя Удмуртия куинетӥ инты басьтӥз. Вылӥынгес Новосибирск но Архангельск улосвылъёс гинэ. Соос уэ 411,1 миллион но 216,8 миллион манет басьтозы

2019-тӥ арлэн нырысетӥ палараз Удмуртие йӧскалык ӵектосъя 600 миллион манетлэсь трос вуиз ни. Со чотын покчи но шоръёзо ужбергатонлы юрттонъя выль амалъёс кутӥзы – экспортъя, гурт возёсъя но бизнес-акселераторъёс. Озьы ик «Металлургический» частной промпарклы выль юртсэ пуктонэз йылпумъяны субсидия висъязы. 

Наши партнеры

Наверх
Вниз