Ижкар+7 °C
17 коньывуон 2019 Покчиарня
16+

Ньыль но ӝыны миллион доллар тыр вузъёссэ кунгож сьӧры келяны быгатоз Удмуртиысь агропром огъет

  • 201
  • 0
Ижкар / Удмуртия
Ньыль но ӝыны миллион доллар тыр вузъёссэ кунгож сьӧры келяны быгатоз Удмуртиысь агропром огъет
Туспуктэм: Григорий Фомин

Удмуртиысь гурт возёсъя но сиён-юонъя министерствоын 2019-тӥ арын гурт возёс вузъёсты кунгож сьӧры ньыль но ӝыны миллион доллар тыр келяны быгатозы шуыса чакланъёсты шараязы. Со сярысь Россиысь гурт возёсъя министерстволэн пресс-службаез ивортэ.

Удмуртия келяны быгатэ мамык шортлы матын етӥн мертчанэз, чечы но мушкамлэсь мукет вузъёсты, пульдостурын (рапс) вӧез, йӧлэз но йӧллэсь вузъёсты, вегенсъёсты (куасьтэм бакча емышъёсты) но тылобурдо вордон удысын поттэм вузъёсты, кылсярысь, курег кукъёсты - Китайын соос деликатес лыдъясько 

Удмуртиысь гурт возёс вузъёсты поттӥсьёс ӵапак китай рынок вылэгес ӧръясько. Асьсэлы со бадӟым но ӝог азинскись вузпӧрез усьто.

Туэ элькунын Китае вузъёссэ келян понна акредитаци ортчем нырысетӥ компания но кылдӥз ини. «Милком» огазеяськон Россиысь нырысетӥез компания луиз, кудӥз 2019-тӥ арын Китае йӧллэсь лэсьтэм вузъёссэ келяз. Озьы ик со Казахстанэ но Армение сиён-юонзэ вуза. Со сяна, туэ  «Удмуртагропром» огаезяськонын поттэм пульдостурын вӧез келязы. 

Агропром огъетын поттэм вузъёсты кунгож сьӧры келясь предприятиослэн лыдзы 15-зь вуиз, азьланяз соос пӧлы эшшо ньыль компаниос ватсаськыны быгатозы на

Удмуртиысь гурт возёсъя но сиён-юонъя министерство ивортэмъя, 2019-тӥ арлэн нырысетӥ палараз кунгож сьӧры 1 миллион 320 сюрс доллар тыр гурт возёс вузъёс келямын. «Экспорт продукции АПК УР» улосвыл ӵектосъя, 2024-тӥ арозь та лыдпус 49 миллион 100 сюрс долларозь будыны кулэ (ӵошатон вылысь, 2018-тӥ арын 2 миллион 430 сюрс доллар вал).

Тодэ вайытом, Удмуртия йӧл поттонэз будэтонъя Россиысь вить тужгес устоосыз улосвылъёс пӧлы пыриз

Наши партнеры

Наверх
Вниз