Ижкар+23 °C
18 гудырикошкон 2019 Воскресенье
16+

Удмуртстат: улон интылы кредитъёс сётон кулэсмиз Удмуртиын

  • 339
  • 0
Ижкар / Удмуртия
Удмуртстат: улон интылы кредитъёс сётон кулэсмиз Удмуртиын
Туспуктэм: Григорий Фомин

2019-тӥ арлэн нырысетӥ палараз Удмуртиын улон интылы кредитъёс сётон кулэсмиз. Со сярысь Удмуртстатлэн пресс-службаез ивортэ.

Туэ куать толэзь ӵоже элькунын улӥсьёслы 7 сюрс 855 кредитъёс сётӥзы. Кылем арысь та вакытэн ик ӵошатыса, со 16 процентлы ӧжытгес.

Солы кӧня ке валтӥсь мугъёс: калыклэн зэмос табышез кулэсмон (чакламъя 1,3 процент пала), кредитлэн ставкаез будон (0,7 процентлы) но выль коркаосын патеръёслэн дуноямзы (7,8 процентлы)
Удмуртсталэн пресс-службаез

Улон интылы тужгес трос кредитъёс сётӥзы южтолэзе но оштолэзе – валче вылысь 37 процентсэ, нош толшоре но куартолэзе – 29 процент гинэ.

Кредитлэн шоро-куспо быдӟалаез кылем арын сярысь 8 процентлы йылӥз – 1 миллион 433 манетысь 1 миллион 544 сюрс манетозь. Озьы ик улон инты басьтыны пунэмаськонлэн дырыз 188 толэзьысен 215 толэзёзь будӥз, кредитлэн шоро-куспо ставкаез 9,63 процентысь 10,34 процентозь.

Нырысетӥ паларын элькунын улӥсьёслэн шоро-куспо табышсы 23 сюрс 900 манет котыр луиз, куинь адямилэн семьялэн – 71 сюрс 800 манет. Сое но выль коркаосысь патеръёслэсь дунзэ лыдэ басьтыса, шоро-куспо семьялы 54 квадрат метръем патерез пунэмаськытэк басьтон понна 3 ар 2 толэзь пала коньдонзэ люкано луысал (вузъёс басьтыны, юрттӥськетлы но одно тыриськонъёслы коньдонэз висъятэк).

Тодэ вайытом, 2019-тӥ арлэн нырысетӥ палараз Удмуртиын оглом 417 сюрс 500 квадрат метр мында улон интыос пуктӥзы

Наши партнеры

Наверх
Вниз