Ижкар+18 °C
24 гудырикошкон 2019 Кӧснунал
16+

Удмуртилэн кун пунэмез ар кутсконысен 450 миллион манетлы кулэсмиз

  • 331
  • 0
Ижкар / Удмуртия
 Удмуртилэн кун пунэмез ар кутсконысен 450 миллион манетлы кулэсмиз
Туспуктэм: Григорий Фомин

2019-тӥ арлэн нырысетӥ палараз Удмуртилэн кун пунэмез 450 миллион манетлы кулэсмиз. 1-тӥ пӧсьтолэзьлы солэн быдӟалаез 46 миллиард 564 миллион манет пусъемын. Со сярысь элькун кивалтэтлэн кенешоназ коньдон ужпумъёсъя министрлэсь ужзэ быдэсъясь Вера Сухих вераз, ивортэ улосвыл тӧролэн но кивалтэтлэн пресс-службазы.

Кивалтэтлэн тӧроез Ярослав Семёнов кивалтэм улсын ортчем кенешонын элькун коньдэтэз туэ куать толэзь ӵоже быдэсъян сярысь ивортонэз юнматӥзы.

Толшоре-инвожое Удмуртилэн коньдэтаз 34 миллиард 700 миллион манет вуиз, со арлы чакланлэн 45 процентэз. Кылем арысь та вакытэн ӵошатыса, табышъёс 5 процентлы будӥзы

Вытъёс но выт луисьтэм тыриськонъёс элькун коньдэтэ 26 миллиард 640 миллион манет тыр вуизы. Арлы пуктэм ужпум 46 процентлы быдэстэмын.

Коньдэтысь уже кутэмын 35 миллиард 932 манет (чакламлэсь 46 процентэз). Со кылем арын сярысь 112 процентлы тросгес. 79 процентэз расходъёс мерлыко удысэ мынӥзы – 28 миллиард 438 миллион манет.

Пособиосты, компенсациосты, коньдэт чотын ужасьёслы уждун тырон, муниципал кылдытэтёслы коньдэтъёссылы дотациос, субсидиос но субвенциос висъян ласянь катрадлыкен чаклам вань одноужъёс быдэстэмын. Уждунъя но мерлыко юрттӥськетъёсты тыронъя пунэмъёс ӧвӧл

Куать йӧскалык ӵектосъёслы нырысетӥ паларын 2 миллиард 318 миллион манет висъямын, со пӧлын:

  • «Демография» – 955 миллион манет;
  • «Покчи но шоръёзо ужбергатон но ужбергатонъя кичӧлтонъёслы юрттон» – 375 миллион манет;
  • «Кышкыттэм но ӟечлыко автомобиль сюресъёс» - 339 миллион манет;
  • «Тазалыкез утён» - 333 миллион манет;
  • «Дышетон» - 148 миллион манет;
  • «Экология» - 76 миллион манет.

2019-тӥ арын 1-тӥ пӧсьтолэзьлы Удмуртилэн кун пунэмез 46 миллиард 564 миллион манет пусъемын.

Ярослав Семёнов йӧскалык ӵектосъёсты быдэсъян улсын вань ужрадъёсты быдэстыны кулэ шуыса пусйиз но министерствоослэсь но удысэтъёслэсь кивалтӥсьёссэс ужъёслэсь ӝоггес ужаны куриз. 

Наши партнеры

Наверх
Вниз