3,3 процент котыр луоз инфляцилэн быдӟалаез Удмуртиын 2020-тӥ ар пумлы

  • 139
  • 0
Ижкар / Удмуртия
3,3 процент котыр луоз инфляцилэн быдӟалаез Удмуртиын 2020-тӥ ар пумлы
Туспуктэм: Алексей Арзамасцев

2020-тӥ ар пумлы Удмуртиын инфляцилэн быдӟалаез 3,3 процент котыр луоз. Со сярысь элькунлэн 2020-тӥ арлы но чаклам 2021-тӥ но 2022-тӥ аръёслы коньдэтлэн ӵектосэзъя кылзонъёсын улосвылысь экономикая министр Михаил Тумин ивортӥз.

2020-тӥ ар пумлы инфляцилэн быдӟалаез 3,3 процент луоз шуыса чакласькомы, вуоно аръёсы, милям чотаммыя, со 4 процент 4 процент котырын луоз
Михаил Тумин, Удмуртиысь экономикая министр

Солэн верамезъя, инфляциез будэмлэсь возе Россиысь Центробанклэн коньдэтъя но кредитъёсъя политикаез.

Таяз арын тужгес бадӟым инфляци вал тулыспалэ - 4,2 процент. Со 2018-тӥ арын ватсаса дунлы вытлэсь ставказэ йылэтэмен, жилищно-коммунальной юрттӥськетлы но эстӥськонлы дунъёс будэмен.

12-тӥ шуркынмонэ Удмуртиын улӥсьёсты 2020-2022 аръёслы элькун коньдэтлэн ӵектосэныз тодматӥзы. 2020-тӥ арын йӧскалык ӵектосъёсты быдэсъяны Удмуртия 5 миллиард 94 миллион 913 сюрс манет басьтоз

Наши партнеры

Наверх
Вниз