Ижкар-1 °C
22 -тӥ коньывуон 2020 Покчиарня
18+

Студентъёслэн семьяоссылы юрттыны 7 миллион манет висъязы Удмуртиын 2020-тӥ арын

  • 443
  • 0
Ижкар / Удмуртия
Студентъёслэн семьяоссылы юрттыны 7 миллион манет висъязы Удмуртиын 2020-тӥ арын
Туспуктэм: Руслан Нуриахметов

Студентъёслэн семьяоссылы нылпизы вордӥськем бере юрттон понна 2020-тӥ арын Удмуртилэн коньдэтаз 7 миллион манет чаклазы. Со сярысь улосвыл тӧролэн но кивалтэтлэн пресс-службазы ивортэ.

Росси азьмуртэн азьмуртэн Владимир Путинэн кичӧлтэм «Демография» йӧскалык ӵектосэз но «Удмурт Элькунысь семьяослы нылпизы вордскем бере коньдонэн юрттон» улосвыл ӵектосэз быдэсъян улсын 2019-тӥ арын студентъёслэн семьяоссылы одӥг тыриськись коньдонлэсь быдӟалазэ 15 сюрс манетысь 100 сюрс манетозь будэтӥзы

Юрттэтэз Удмуртиын улӥсь но очной амалэн дышетскись студентъёслы сёто, семьяысь котькуд адямилы табышлэн быдӟалаез 19 сюрс 298 манетлэсь трос уг ке луы.

2020-тӥ арын 100 сюрс манет басьтыны быгатозы кылем арын вазиськыны вуттымтэ семьяос но, кылсярысь, кинлэн нылпиез толсур пумын вордскиз. Куриськонэн пиналлы куать толэзь тырмытозь мерлыко юрттэт сётонъя ёзэтэ сётоно. Коньдонэз семья ас чакламезъя быдтыны быгатэ.

2019-тӥ арын элькунын 103 семья быдэн 100 сюрс манет басьтӥз. Юрттэтэз 2024-тӥ арозь сётъяны чаклало. 



Наверх
Вниз