616 миллион манетлэсь трос коньдон висъяны малпало Удмуртиын семьяослы но нылпиослы юрттэтлы

  • 396
  • 0
Ижкар / Удмуртия
616 миллион манетлэсь трос коньдон висъяны малпало Удмуртиын семьяослы но нылпиослы юрттэтлы
Туспуктэм: Руслан Нуриахметов

Удмуртиын семьяослы но нылпиослы юрттэт сётон понна 616 миллион 300 сюрс манет висъяны ӵекто. Со сярысь элькун кивалтэтлэн кенешоназ 2020-тӥ арлы но 2021-2022 чаклам аръёслы коньдэт сярысь катэ  тупатонъёсын тодматыкуз коньдон ужпумъёсъя министр Станислав Евдокимов вераз, ивортэ улосвыл кивалтэтлэн пресс-службаез.

Коньдонэз пӧртэм ужпумъёслы кутыны чаклало. Кылсярысь,пиналъёслэсь шутэтсконзэс радъяны 283 миллион манет висъялозы, йылпумъян кун аттестацизэс ортчытыны - 225 миллион 700 сюрс манет, мерлыко тыронъёслы, егит семьяослы улон интылы кредитъёслэсь процентъёсъя ставказэ берыктыны - 60 миллион манет, улон инты басьтыны субсидиослы но капчиятэм займъёслы - 15 миллион 500 сюрс манет, пиналъёслэсь пӧртэм ӧръёсын быгатонлыкъёссэс шараяны но азинтыны - 15 миллион 800 сюрс манет, школаосы учебникъёс но пособиос басьтыны - 6 миллион 500 сюрс манет. 

Озьы ик ёрмыса улӥсь семьяослы юрттэт сётыны, нимъям стипендиос тырыны но мукет ужпумъёслы кутозы.

Тодэ вайытом, азьвылгес веразы вал туэ гужем Удмуртиысь 120 сюрслэсь трос пиналъёс но быдэ вуымтэос нылпи лагерьёсын шутэтскозы шуыса, солы 363 миллион манет пала коньдон висъяны чакамын вал. 

Наши партнеры

Наверх
Вниз