100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Йӧскалык ӵектосъёсты быдэстыны кылем арын Удмуртиын 11 миллиард манет пала кутӥзы

  • 206
  • 0
Ижкар / Удмуртия
Йӧскалык ӵектосъёсты быдэстыны кылем арын Удмуртиын 11 миллиард манет пала кутӥзы
Туспуктэм: Руслан Нуриахметов

2019-тӥ арын Удмуртиын йӧскалык ӵектосъёсты быдэсъяны 11 миллиард манет пала быдтӥзы. Кылем арлы элькун коньдэтэз быдэсъянлы йылпумъянъёс лэсьтыса, со сярысь коньдон ужпумъёсъя министр Станислав Евдокимов вераз, ивортэ улосвыл тӧрлэн но кивалтэтлэн пресс-службазы. 

2019-тӥ арлы коньдэтэз быдэстонлэн аспӧртэмлыкез Росси азьмуртэн Владимир Путинэн кичӧлтэм йӧскалык ӵектосъёсты улонэ пыӵатыны кутскемен герӟаськемын вал. Элькун 11 нацпроектъёсты быдэсъянэ пыриське. Соосын пуктэм ужпумъёсты быдэстон понна Удмуртиын 51 улосвыл ӵектос юнматэмын. Соосты быдэстыны коньдэтысь 10 миллиард 900 миллион манет кутэмын
Станислав Евдокимов, Удмуртиысь коньдон ужпумъёсъя министр

Удмуртилэн коньдэтэзлэн табыш люкетэз 2019-тӥ арын 80 миллиард 600 миллион манет луиз, 2018-тӥ арын сярысь 10 процентлы тросгес. Кылем арын федерал коньдэтысь 22 миллиард 800 миллион манет вуиз (4 миллиард 500 миллион манетлы тросгес). Азьвыл чаклам лыдпус борды ватсаса 4 миллиард манет котыр федерал коньдон кыскыны луиз.

Коньдэтлэн уже кутэм люкетэз 82 миллиард 900 миллион манет луиз. 2018-тӥ арен ӵошатыса, со 16 процентлы тросгес.

Расход люкетэзлэн 65 процентэз – 54 миллиард 200 миллион манет – мерлыко удысъя кун программаослы мынӥз. Со пӧлысь ӝыныез (27 миллиард манет) – дышетонэз азинтонлы. Тазалыкез утён удысэз азинтыны 12 миллиард 800 миллион манет висъязы, калыклы мерлыко юрттэт сётонлы – 9 миллиард 700 миллион манет.

2018-тӥ арен ӵошатыса, мерлыко удысын валтӥсь ӧръёсъя расходъёс озьы ик будӥзы. Со йӧскалык ӵектосъёсты быдэсъянэн но дышетӥсьёслэсь, визьнодасьёслэсь, эмчиослэсь, эм ужасьёслэсь, мерлыко ужасьёслэсь но лулчеберетын ужасьёслэсь уждунзэс будэтонъя улосвыл «дорожной картаен» пусъем лыдпусъёсты 2018-тӥ арын вормем но соосты утёнэн герӟаськемын
Станислав Евдокимов, Удмуртиысь коньдон ужпумъёсъя министр

Озьы ик со пусйиз, расходъёс будон вылын тужгес ӧжыт уждунлэсь быдӟалазэ 12 сюрс 972 манетозь будэтон, коньдэт чотын мукет ужасьёслэсь уждунзэс индексъян, элькунын улӥсьёслы мерлыко тыронъёсты индексъян шӧдӥськиз.

2019-тӥ арын Удмуртиын коньдэт чотын ужасьёслы уждун тырыны 39 миллиард 900 миллион манет висъязы. Со вань расходъёс пӧлысь 41,5 процентэз. 2018-тӥ арен ӵошатыса, лыдпус 6 процентлы будӥз. Уждунэз но мерлыко тыронъёсты кылем арын дыраз тыризы, пунэмъёс ӧвӧл.

Экономика удысъя расходъёс 16 миллиард 200 миллион манет тыр быдэстэмын (ваньмыз пӧлысь 20 процент). 47 процентэз яке 7 миллиард 600 миллион манет транспорт сӧзнэтэз азинтыны мынӥз. Агпропром огъетлы кун юрттэт чотын 2 миллиард 100 миллион манет висъязы. Кун асъетэ юртъёс пуктыны (басьтыны) но вань кун программаос улсын лэсьтӥськон удысэз азинтыны – 5 миллиард 500 миллион манет. 2018-тӥ арен ӵошатыса, капвложениос 52 процентлы яке 1 миллиард 89 миллион манетлы йылӥзы.

2019-тӥ арын мерлыко 28 объектъёсты усьтӥзы: 16-ез дышетон удысъя, вить фельдшер-акушер пунктъёс,сизьымез спорт удысъя

Кылем арын вань кун программаосъя муниципалитетъёслы 33 миллиард 700 миллион манет висъязы, валля арын сярысь со 13 процентлы тросгес. Со сяна, муниципал кылдытэтъёслы коньдэтысь 120 миллион манет тыр кредитъёс сётӥзы.

Удмуртилэн кун пунэмез кылем ар ӵоже 971 миллион манетлы кулэсмиз но 2020-тӥ ар кутсконлы 46 миллиард 400 миллион манет луиз. Пунэмез берыктон но процентъёсты тырон понна расходъёсты кулэстон понна Федерал казначействолэн элькун управлениысьтыз 0,1 процентъем вакчи кредит басьтылӥзы, банкъёсын процент ставкаосты пичиятон пумысен ужазы, 400 миллион манет тыр коммерци кредитэз дырызлэсь вазь берыктӥзы. Ваньмыз со 320 миллион манетэз шыръяны луонлык сётӥз. Кун пунэмлэн быдӟалаезъя Россиысь коньдон ужпумъёсъя министерствоен юнматэм тупанкыллэн куронъёсыз быдэстэмын. 

Тодэ вайытом, Удмуртилэсь 2020-тӥ арлы коньдэтсэ профицитэн кутӥзы. Йӧскалык ӵектосъёсты быдэсъяны 10 миллиард манетлэсь трос коньдон висъяны чаклазы



Наверх
Вниз