Ижкар-4 °C
5 -тӥ толсур 2021 Воскресенье
18+

Фермеръёслы ватсаса 154 миллион манетлэсь трос юрттэт сётозы Удмуртиын

  • 162
  • 0
Ижкар / Удмуртия
Фермеръёслы ватсаса 154 миллион манетлэсь трос юрттэт сётозы Удмуртиын
Туспуктэм: Руслан Нуриахметов

2020-тӥ арын пандемия вакытэ Удмуртиысь фермеръёс элькун коньдэтысь ватсаса 154 миллион 400 сюрс манет басьтыны быгатозы. Куриськонъёсты кутон 26-тӥ коньывуонэ кутскиз. Со сярысь улосвыл тӧролэн но кивалтэтлэн пресс-службазы ивортӥз.

Юрттэтэз азьвыл «Агростартап», «Начинающий фермер», «Семейная ферма» программаосъя но гурт кооперативъёслэсь ваньбурзэс выльдыны грантъёс басьтымтэ фермеръёслы сётозы. Коньдонэз вожвылъяськонын быръем ӵектосъёслы грант сямен висъялозы. Фермеръёс троссэ 6 миллион манет курыны быгато. Сое пудо но техника, переработкалы тӥрлык, ваньбур поттыны но возьыны складъёс басьтыны но мукет со выллем ӧръёсы кутыны луэ.

Грант басьтон понна одӥгез валтӥсь курон – котькуд 1 но ӝыны миллион манетлы одӥг ужан инты кылдытыны кулэ

Куриськонъёсты кутон 10-тӥ шуркынмонозь мыноз. Нырысетӥ нуналаз ик 30-лэсь трос вазиськонъёс вуизы ни.

2020-тӥ арын фермеръёслы но гурт возёс кооперативъёслы грантъёсын юрттон понна оглом 359 миллион 800 сюрс манет висъямын луоз

Тод вайытом, азьвылгес гурт возёсъёслы вылӥ ӟечлыко кидысъёс басьтыны, со пӧлын сӥзьыл кизён понна, гурт возёсъёслы ватсаса 23 миллион 200 сюрс манет висъязы. Гурт возёс техника басьтыны кутэм коньдонэз берыктыны 51 миллион манет сётӥзы.

Куарусёнэ удыслы огсыр ужаны сётон понна ватсаса 321 миллион 100 сюрс манет висъян сярысь пумкылъян кутӥзы. Со пӧлысь 171 миллион 500 сюрс манетэз йӧл поттон удыслы мынӥз. 



Наверх
Вниз